Eusebius (Bischof vu Rom)

Dr Eusebius (griech.: dr Gottesferchtig; † 17. Augschte 309 uf Sizilie) isch fir churzi Zyt Bischof vu Rom gsii.

Lääbe un Wirke

Noch em Liberianische Papschtkadelog isch er vum 18. April bis 17. Augschte 309 Bischof vu Rom gsii.

Dr Stryt, wu unter em unter Marcellus I. aagfange het, iber d Widerufnahm vu dr Chrischte, wu in d Zyt vu dr Verfolgig dur dr Diokletian abgfalle sin, isch unter ihm wytergange. Dr Eusebius isch fir e Rugchehr vu dr Abgfallene noch ere Bueßzyt yydrätte. Dr Stryt dodriber, het zue uurueje un Gwalt gfiert. Dr Chaiser Maxentius het ihn un sy Gegner Heraklius no Sizilie verbannt, wu dr Eusebius gstorben isch. Sy Lych isch wahrschyns anne 311 uf Rom brocht un in dr Calixtus-Katakomb vergabe wore. No sym Dod isch s Bischofsamt e Zytlang vakant gsii.

E Dail Quälle setze sy Dod un dodermit au sy Amtszyt ai Johr speter aa. Doderno wär er anne 310 Bischof vu Rom gsii un au in däm Johr gstorbe.

Är wird as Märtyrer un Hailige verehrt. Sy Feschtdag isch dr 17. Augschte (friejer dr 26. Septämber).

Literatur

• Friedrich Wilhelm Bautz: Eusebius. In: Biographisch-Bibliographisches Kirchenlexikon (BBKL). Band 1, Hamm 1975, Sp. 1560.
• Ytrag in d Catholic Encyclopedia, Robert Appleton Company, New York 1913 (änglisch)

Weblink

 Commons: Eusebius – Sammlig vo Multimediadateie

• Gsamtwärch vu Migne Patrologia Latina mit Inhaltsverzaichnis

Vorgänger Marcellus I.

Bischof vu Rom Dr Titel Papscht isch anne 384 zum erschte Mol brucht wore. 309

Nochfolger Miltiades

Dä Artikel basiert uff ere fräie Übersetzig vu dere Version vum Artikel „Eusebius_(Bischof_von_Rom)“ vu de dütsche Wikipedia. E Liste vu de Autore un Versione isch do z finde.