De Mitra (Sanskrit: मित्र, Mitra m.) isch e alte vedische Gott, im Hinduismus isch de Mitra mitem Sunegott Surya verschmulze.

Im Rigveda verkörperet de Mitra, sin Name bidüttet „Vertraag, Fründ“, d Grechtigkait. Er werd zäme mitem Varuna gnennt und baid bildet e Paar, wo hell und dunkel, Moorge und Oobed, Taag und Nacht verkörperet. De Mitra isch a de Metnsche wollgsinnt und barmherzig und wacht öber Verträäg. Wie de Varuna ghört er zo de Adityas.

De Mitra und de Varuna werdet imene bronzezittliche Vertrag usem 13. Joorhundert v.Chr. vo de Mittanni, wo z Mesopotamie glebt hend, gnennt, wa s Aalter vo dem Götterpaar bizügt. De persischi Sunegott Mithra, wo au vo römische Soldaate vereert woren isch, het de gliich vorgschichtlich Uursprung wie de indischi Mitra.

BüecherBearbeite

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X