Hauptmenü ufmache
S Logo vo dr NASA

D NASA (änglisch National Aeronautics and Space Administration, dytsch Nationale Luft- und Raumfahrtbehörde) isch d Ruumfahrtbhörde vo de USA. Si isch am 29. Juli 1958 gründet worde und hät veschideni Sache is Wältal gschosse. Ire Hauptsitz befindet sich z Washington, D.C. (NASA Headquarters, 300 E Street SW).[1]

GschichtBearbeite

D NASA isch am 29. Juli 1958 dur e „National Aeronautics and Space Act“ gründet worde. Äine vo iire Vorlöifer isch s National Advisory Committee for Aeronautics (NACA) gsi, wo zur amerikanische Luftwaffe ghöört het. D NASA het die öbbe 8'000 Aagstellte vo dr NACA übernoo. Iire erst Diräkter isch dr Thomas Keith Glennan gsi.

Die bemannti Ruumfaart het 1958 mit em Mercury-Programm aagfange. As Dräägerrageete si d Redstone und d Atlas D Rageete iigsetzt worde. Am 14. April 1959 isch die ersti Atlas-D Rageete im Mercury Brogramm gstartet worde. Am 4. Dezämber 1959 het d Mission Mercury-Little-Joe 2 stattgfunde, wo zum erste Mol e lääbigs Dier, dr Rhesusaff Sam, 11 Minute lang im Wältall umegflooge isch. Bi de "Little Joe"-Missione het au d Dräägerrageete "Little Joe" ghäisse. Am 21. Januar 1960 isch dr Sam bi dr Mission Mercury-Little-Joe 1B wider ufe ins Wältall gflooge.

Die äigetlige Mercury-Flüg häi am 21. Novämber 1960 mit em umbemannte Flug Mercury-Redstone 1 aagfange. Am 31. Januar 1961 isch dr Schimpans Ham in dr Ruumkapsle vo dr Mercury-Redstone 2 gflooge.

Am 5. Mai 1961 isch dr Alan Shepard as dr erst Amerikaner mit dr Mercury-Redstone 3 gflooge. Denn het s no fümf Ruumflüg vo Astronaute ge, und d Mission Mercury-Atlas 5 mit em Schimpans "Enos".

S Mercury-Projekt isch am 12. Juni 1963 offiziell fertig gange. Mit dr letschte Mercury Kapsle Mercury-Atlas 9 isch vom 15. Mai 1963 bis zum 16. Mai 1963 dr Gordon Cooper in s All gflooge. Denn het s Gemini-Programm aagfange, wo s zwäi Astronaute in dr Rummkapsle ghaa het.

Bim Apollo-Programm si am 20. Juli 1969 dr Neil Armstrong und dr Buzz Aldrin as die erste Mensche uf em Mond glandet und si am 24. Juli sicher uf d Ärde zrugg choo. 1972 het d Entwigglig vom Space Shuttle aagfange, wo dr erst Flug von em am 12. April 1981 stattgfunde het. 2012 häi d Flüg vo de Shuttles ufghöört, und die drei Ruumfäärine, wo no übrig gsi si, si in Museum in de USA usgstellt worde.

Brüemti AstronauteBearbeite

Eine vo de bikanntiste Astronaute isch de Neil Armstrong. De erst und bis jetzt ainzig Schwizer Astronaut bi de NASA isch de Claude Nicollier gsii.

FuessnooteBearbeite

  1. www.nasa.gov — About — Visiting NASA (Engl.). Abgrürft am 12. Juni 2010.