Nationales Fussballzentrum St. George's Park

Der St. George's Park (SGP) isch ds Nationale Fuessballzentrum (NFC) vom Änglische Fussballverband, wo uf em 130 Hektar grosse Gländ z Burton upen Trent, z Staffordshire isch boue worde. Ds Zäntrum isch am 9. Oktober 2012 eröffnet worde.[1] Der Zwäck vom Zäntrum isch es, d Basis für alli Trenings- u Entwikligsarbeite vo der FA z sy, u glychzigig ds Trenings- u Vorberietigsgländ für alli 28 änglische Fuessballnationalmannschafte z sy. Da höre ou d Futselmannschafte u die Behinderde derzue.

St. George's Park Fuessballzäntrum
Arealfoto vom Fuessballzäntrum us em Mai 2012
Daate
Ort Newborough Road, Needwood, Burton upon Trent, Staffordshire, DE13 9PD
Koordinaten 52° 48′ 32,4″ N, 1° 45′ 21,6″ WKoordinate: 52° 48′ 32,4″ N, 1° 45′ 21,6″ W
Bedriiber Änglisch Fuessballverband
Eröffnig 12. Oktober 2012
Veräin

Trenings u Vorbereitigsgländ für 28 änglischi Nationalmannschafte

Veraastaltige

5 Spieler der Gruppenphase der U-17 Herre Europameisterschaft 2018

Dialäkt: Bärndütsch

Gschicht ändere

Der ursprünglech Teil vo Needwood Forest, isch im 13 Jahrhundert vo der Familie Berkeley als Jagtgebiet erschlosse worde. Nach der übergab i d Händ vo der Chrone isch d Pacht im 17 Jahrhundert wider i Bsitz vo Privatpersone übergange. Ds Landhuus isch 1850 a d Familie Bass gange. Die hei das i de 1870er Jahre saniert. Es isch es Gstüt für Pferderenne der zue cho. Nach em Tod vom Sir Williem Bass der 2. Baronet, 1952 isch ds Awäse verchouft u ds Huus abgrisse worde.

Ychouf u Planing ändere

Nach der Recherche vom technische Diräkter vo der FA, em Howard Wilkinson, het d FA ds 140 Hektar grosse Gländ im Jahr 2001 für 2 Milione Pfund vo der Forte Hotel Division vo der Granada plc gchouft.[2]

Verwändig ändere

Der FC Barcelona het i dem Zentrum im Juli 2014 u 2016 trainiert.[3][4]

2018 het me hie 5 Spiel vo der Gruppephase vo der U-17 Europameischterschaft ustreit.[5]

Weblinks ändere

  Commons: St George's Park National Football Centre – Sammlig vo Multimediadateie

Quelle ändere

  1. St George's Park centre of excellence officially opened. BBC Sport, 9. Oktober 2012, archiviert vom Original am 4. April 2023; abgruefen am 27. April 2023 (britischs Änglisch).
  2. FA finds site for training centre. BBC Sport, 14. Februar 2001, archiviert vom Original am 21. November 2021; abgruefen am 27. April 2023 (britischs Änglisch).
  3. FC Barcelona check in for St. George's Park training camp. In: www.thefa.com. Archiviert vom Original am 21. November 2021; abgruefen am 27. April 2024 (britischs Änglisch).
  4. FC Barcelona wrap up training camp at St. George's Park. FC Barcelona, archiviert vom Original am 21. November 2021; abgruefen am 27. April 2024 (änglisch).
  5. U17 Euro venues named. In: www.thefa.com. Archiviert vom Original am 23. April 2023; abgruefen am 27. April 2023 (britischs Änglisch).