Normalspur

d Spuurwiiti bi de Ysebaan

Ä Normalspurigs Isebahngläis isch 1435 mm bräit.

Verbreitig vo de verschiidene Spurwiitene. Hellblau si d Länder, wo die vorherrschende Spurwiiti d Normalspur isch

Wu de britisch Äschiniör George Stephenson sini Isebahn entwiggled het, hend em di britische Verchehrsbehörde vorgschribe, all er het müese d' Spurbräiti vu de änglische Poschtkutsche verwände. Das sind 1435 Milimeter gsii. De Stephenson het mit sim Suu di erschti Loggifabrigg vu d'r Wält betribe. Si händ au Dampfloggene uf s' europäischä Feschtland glifered, so dass si deet händ müese di gliichi Spurbräiti verwände. I d'r ganze Gschicht vu d'r Isebahn isch das di erfolgriichschti Spurbräiti blibe, und das nüd nur in Europa. Uf em europäische Feschtland sind wenig Breitspurbahne buut wordä, wu's speeter uf Normalspur umbuut hend. Äinzig i d'r Sowjetuniuu wu au Finnland derzue gchört het, in Spaniä und Portugal hend sich Breitspurbahne möge duresetze.