Olha Tratsch
D’ Olha Serhijiwna Tratsch (ukràinisch Ольга Сергіївна Трач, anglisch Olga Trach; * 15. Nowamber 1988 z’ Dnipropetrowsk, Ukràina) ìsch a ukràinischa Volleybàllschpìelera. Àls Mìttelblockera hàt sa vu 2014 bis 2020 fìr dr elsassischa Verain ASPTT Mulhouse gschpìelt. Drzüa ìsch sa Mìtglìed ìn dr ukràinischa Nàzionààlmànnschàft.
| Olha Tratsch | |
| |
| D’ Olha Tratsch ìn dr Saison 2013/14 | |
| Porträt | |
|---|---|
| Geburtsdag | 15. Nowamber 1988 |
| Geburtsort | Dnipropetrowsk, Ukràina |
| Greßi | 1,88 m |
| Position | Mìttelblockera |
| Verain | |
| 2007–2011 2011–2012 2012 2012–2013 2013–2014 2014–2020 sitter 2020 |
VK Severodontschanka Azəryol VK Piatra Neamţ Olympiakos Budowlani Łódź ASPTT Mulhouse Pays d’Aix Venelles VB |
| Nationalmannschaft | |
| sitter 2008 | A-Nàzionààlmànnschàft |
| Erfolg | |
| 2008–2009 2012–2013 2016–2017 2017–2018 |
ukràinischa Maischtera Ukràina-Pokàl-Siigera griachischa Maischtera Griachalànd-Pokàl-Siigera frànzeescha Maischtera Frànkrììch-Schpìtzapokàl-Siigera |
|
Stand: 17. Jüüli 2022 | |
| Dialäkt: Mìlhüüserdiitsch |
ìhra Kàrriar
ändereMìt 9 Joohra hàt d’ Tratsch fànga-n-àà Volleybàll schpìela.[1] Àls Junioora hàt sa z’äärscht vu 2003 bis 2006 bii dr Akademia-Dnipro ìn ìhrer Haimetschtàdt gschpìelt, un drnooh biim Verain Ros Bila Tserkva bii Kiew vu 2006 bis 2007.
Ìhra Kàrriar àls Berüafsschpìelera hàt sa ànna 2007 ìm ukràinischa Verain VK Severodontschanka-n-ààgfànga, wu sa bis 2011 blìewa-n-ìsch. Mìt dam Verain ìsch sa ànna 2008/09 ukràinischa Maischtera un Siigera biim Ukràina-Pokàl gsìì, un ìsch ànna 2010/11 uff Plàtz 3 vu dr ukrànischa Maischterschàft ànakumma. Ìn dr Saison 2011/12 hàt sa biim Azəryol VK ìm Aserbaidschan gschpìelt. Drnooh hàt sa ain Joohr làng ìm Griachalànd biim Verain Olympiakos gschpìelt, wu sa griachischa Maischtera un Siigera biim Griachalànd-Pokàl worra-n-ìsch. Noh ainem Joohr biim polnischa Verain Budowlani Łódź ìsch sa ìn dr ASPTT Mulhouse ìm Elsàss gànga ge schpìela. Mìt dam Verain ìsch sa ànna 2016/17 frànzeescha Maischtera gsìì, un ìsch zwaimol uff Plàtz 3 vu dr nàzionààla Maischterschàft ànakumma (ànna 2017/18 un 2018/19). Drzüa hàt sa mìt’m Mìlhüüser Verain d’ Bronza-n-üüsszaichnung biim Frànkrììch-Pokàl bikumma: ànna 2015, 2017, 2018, 2019 un 2020. Dr Frànkrììch-Schpìtza-Pokàl hàt sa ànna 2017/2018 gwunna.
Ànna 2020 ìsch d’ Tratsch ìn dr süüdfrànzeescha Verain Pays d’Aix Venelles VB gànga ge schpìela.[2] Mìt dam Verain ìsch sa ànna 2021/22 uff Plàtz 3 vu dr frànzeescha Maischterschàft ànakumma.
Sitter 2008 ìsch àui d’ Tratsch Mìtglìed ìn dr ukràinischa Nàzionààlmànnschàft. Ànna 2006 ìsch sa mìt dr Nàzionààlmànnschàft vu da U-20 uff Plàtz 3 vu dr Öiropäischa Maischterschàft ànakumma.
D’ Olha Tratsch ìsch d’ Schwaschter vu dr Volleybàllschpìelera Anastasija Tratsch.[1]
Weblìnks
ändere
Commons: Olha Tratsch – Sammlig vo Multimediadateie- D’ Olha Tratsch biim Internàzionààla Volleybàllverbànd FIVB (anglisch)
- D’ Olha Tratsch biim Öiropäischa Volleybàll-Verbànd CEV (anglisch)
- D’ Olha Tratsch bii dr polnischa TauronLiga (polnisch)
- D’ Olha Tratsch bii WorldOfVOlley (anglisch)
- D’ Olha Tratsch bii VolleyBox (hoochdiitsch)
- D’ Olha Tratsch bii dr Global Sports Archive (anglisch)
Ainzelnoohwiisa
ändere- ↑ 1,0 1,1 Christian Entz: Olga : belle plante d’Ukraine. In: L’Alsace. 17. Februar 2016, abgruefen am 18. Juli 2022 (französisch).
- ↑ Olga Trach arrive à Venelles. In: L’Équipe. 30. Mai 2020, abgruefen am 18. Juli 2022 (französisch).