Orishas

D Orishas isch e internazional erfolgrichi kubanischi Hip-Hop-Band, wo zersch vo 1999 bis 2009 exischdiert het und 2016 ihres Comeback gfiirt het.

2004 hei si dr Latin Grammy as beschdi Hip-Hop-Band bercho. Si si zäme mit andere Musiker vom Fidel Castro empfange worde. Das isch s erschde Mol gsi, wo di kubanischi Regierig öffentlech Hip-Hop unterschdützt het.

Di meischde Songtext vo de Orishas beziehnd sech uf s Gschehene z Kuba, öppe uf d Problem und d Freude vo de Iwohner vo Kuba. D Band will vo der fridleche Ferieinsel ablänke und em Hörer d Wält hinter de wisse Sandschdränd zeige, und thematisiert unter anderem (Kinder-)Prostitution (Reina de la calle), Emanzipation (Mujer) und Rassismus (Tumbando y dando). D Behandlig vo politische Theme hei au zur Zensur vo ihrne Veröffentlechige gfüert. D Gruppe behandlet aber au Theme wie Liebi, Sehnsucht und Fründschaft. Es Zitat: „I singe ned um z singe, ich singe um ned z hüle.“ (No canto por cantar, canto por no llorar.)^[1]

Diskografy

A Lo Cubano (2000)
Emigrante (2002)
El Kilo (2005)
Cosita Buena (2008)
Gourmet (2018)

Quelle

↑ Lied ¿qué pasa? letschdi Zile unter: Archivierte Kopie. Archiviert vom Original am 26. Februar 2010; abgruefen am 10. März 2017.

Weblinks

Commons: Orishas – Sammlig vo Multimediadateie

https://web.archive.org/web/20170316232010/http://cubanbeats.com/?lang=de (Former members of Orishas)

Dä Artikel basiert uff ere fräie Übersetzig vum Artikel „Orishas“ vu de dütsche Wikipedia. E Liste vu de Autore un Versione isch do z finde.

[1] Lied ¿qué pasa? letschdi Zile unter: Archivierte Kopie. Archiviert vom Original am 26. Februar 2010; abgruefen am 10. März 2017.

[1]