PHP (rekursivs Akronym für „PHP: Hypertext Preprocessor“, ursprünglich „Personal Home Page Tools“) isch e Skriptsproch mit ere ähnliche Syntax wie C und Perl, wo hauptsächlich für d Erstellig vo dynamische Internetsite brucht wird. PHP isch e Open-Source-Software.

S spezielle an PHP isch ihri Eifachheit, die breiti Datenbankunterstützig und s Vorhandesie vo Funktionsbibliotheke. Es existiere zum Biispiel au Bibliotheke, um mit PHP GTK-Awändigsprogramm z entwickle.

PHP isch e serversitigi Sprache. Das bedeütet, dass dr Quelltext – im Gegesatz zu JavaScript, wo er meischtens direkt im HTML-Code iibettet wird – nid an dr Browser übermittlet wird, sondern an e Interpreter uf em Webserver. Erscht däm sini Ussgob wird denn an Browser gschickt. In de meischten Fäll isch das e HTML-Dokumänt, wobi s mit PHP aber au möglich isch, anderi Dateitype, wie z. B. Bilder mit dr GD-Bibilothek odr PDF-Dateie, z generiere.

Nebscht dr verwendig vu PHP zum Erstelle vu Webapplikatione (zum Bispiil Websitene), benützt me PHP au für sunstigi Arbeite, wo es ähnlichs Programm in C au mache chönnt. Dr Nachteil an PHP isch, dass dr Programmkod zerscht an dr Interpreter gah muess, wo dr Kod usfüehrt. D'Effiktivität isch drumm eher minimal bi PHP. Für Websitene isch es dennoch wie gschaffe, will me e Website nur schwer mit C oder C++ realisiere khan.

Code-Bispiel ändere

Eifachs PHP-Script (git „Hallo Wält!“ us, wenn d'Rechnig 2+5, 7 als Resultat hett):

<?php
  $var1 = 2;
  $var2 = 5;

  if(($var1 + $var2) == 7) {
    echo "Hallo Wält!";
  }
?>
  Dä Artikel basiert uff ere fräie Übersetzig vum Artikel „PHP“ vu de dütsche Wikipedia. E Liste vu de Autore un Versione isch do z finde.