De Pascal Burri (* 4. September 1965 z Neueburg i de Schwiz) isch en katholische Geistliche und Kaplan vo de päpstliche Schwizergarde im Vatikan.

Läbe ändere

De Pascal Burri isch 1989 is Priesterseminar vo de Diözese Lausanne, Gämf und Friburg iiträtte und hät Religionswüsseschaft a de Theologische Fakultät vo de Universität Friburg gstudiert. 1994 hät er mit em Lizenziat abgschlosse und isch am 21. Mai 1995 i de Liebfraue-Basilika vo Neueburg zum Priester gweiht worde.

Vo 1994 bis 1999 hät er als Seelsorger z Bernex bi Gämf, vo 1999 bis 2005 z Greyerz und aaschlüssend i de Seelsorgeeinheit Sainte-Thérèse/Saint-Laurent (Pfarreie vo Friburg, Givisiez und Granges-Paccot) gschaffed. Vo 1996 bis 2004 isch de Burri Armeeseelsorger i de Schwizer Armee gsi.[1][2]

Am 28. Juni 2014 isch de Burri vom Papst Franziskus zum Gardekaplan i de Vatikan beruefe worde. Sit em 1. September 2014 isch er Gardekaplan und hät somit s Amt vo sim Vorgänger öbernoo, em Alain de Raemy, wo am 30. November 2013 zum Weihbischof im Bistum Lausanne, Gämf und Friburg ernennt worde isch.[3]

Fuessnoote ändere

  1. Freiburger Pfarrer wird neuer Kaplan der Schweizer Garde www.kipa-apic.ch, Artikel vom 28. Juni 2014
  2. Pascal Burri ist neuer Gardekaplan kath.net, Mitteilig vom 29. Juni 2014
  3. Neuenburger wird neuer Kaplan der Schweizergarde Radio Vatikan, Mitteilig vom 28. Juni 2014