Diitschahoofgassla

Dialäkt: Mìlhüüserdiitsch

S’ Diitschahoofgassla (offiziäll ìm zwaischproochiga Schtroossaschìld Ditschehofgàsslà; uff Frànzeesch Passage Teutonique [pa.saʒ tø.tɔ.nik]) ìsch a klaina Schtrooss ìm Schtàdtzäntrum vu Mìlhüüsa.

S’ zwaischproochiga Schtroossaschìld

wu ’s lììgt

S’ Diitschahoofgassla làuift uff äbba 75 Meeter zwìscha dr Schüalgàss un em Wilhelm-Tell-Plàtz. Àb’m Nr. 10 làuift’s ìn dr gliicha Rìchtung wia dr Passage de la Réunion.

Gschìchta

S’ Gassla-n-ìsch ànna 1495 zem äärschta Mol ärwäähnt worra, unter’m Nàmma An dem Gässlein, das zum teutschen Hof geht. Uff’m Schtàdtplàn vum Merian ànna 1642 hàt’s àwwer kää Nàmma trajt. Ànna 1797 ìsch’s unter’m Nàmma Deutsches Hof Gasse bekànnt gsìì. Ànna 1815 hàt ìhm dr Mathieu Mieg ìn siim Schtroossaverzaichniss d’ Nàmma Rue Guillaume-Tell un Deutsche Hof Gasse gaa — dr Nàmma rue Guillaume-Tell ìsch hìtt dr frànzeescha Nàmma vu dr Wilhelm-Tell-Gàss. Dur a Verordnung vum Mìlhüüser Gmaindaroot àm 11. Nowamber 1843 hàt d’ Schtrooss offiziäll dr frànzeescha Nàmma passage Teutonique bikumma. Àn dr Zitt vum Riichslànd Elsàss-Lothrìnga so wia vum Drìtta Raich hàt sa Deutsche Hof Gässchen ghaissa.

S’ Gassla hàt sallamols zu dr Kàppal vum Diitscha-n-Orda gfiahrt — d’ Ritter hann a Hoof àn dr hìttiga Wilhelm-Tell-Gàss ghàà. Noch hìtt z’ sah ìsch s’ Hüüs àm Nr. 10 mìt siim Fàchwark. ’S schtàmmt vum Mìttelàlter, àwwer s’ greeschta Tail vum Hüüs ìsch zwìschem 16. un 18. Joohrhundert bàuija worra.

Lìteràtüür

• Passage Teutonique. In: Conseil Consultatif du Patrimoine Mulhousien, Société d’Histoire et de Géographie de Mulhouse (Hrsg.): Les rues de Mulhouse : Histoire et Patrimoine. JdM Éditions, Mìlhüüsa 2009, ISBN 2-915836-67-1, S. 565 (französisch, Erstausgabe: 2007). 

Weblìnks

 Commons: Diitschahoofgassla – Sammlig vo Multimediadateie

Ainzelnoohwiisa

47.746127.33774