Hauptmenü ufmache

Patriotische Europäer gegen die Islamisierung des Abendlandes

PEGIDA-Logo

Patriotische Europäer gegen die Islamisierung des Abendlandes (PEGIDA) isch e islamfyndlige dytschi Organisation, wu syt Oktober 2014 z Dresden Demonschtratione gege ne aagebligi Islamisierig vu Dytschland un Europa organisiert. Syt em 19. Dezämber 2014 isch si unter em Chirzel PEGIDA as Verain yydrait. Si fordere vor allem en Änderig vu dr europäische Yywanderigs- un Asylbolitik. Au in andere dytsche Stedt wäre syterhär sonigi Demonschtratione veraastaltet. Derwylscht si z Dresden mit bis zue 25.000 Dailnämmer (am 12. Jänner 2015) un z Leipzig mit bis zue 15.000 Dailnämmer (am 21. Jänner 2015) ne große Zuelauf gha hän, sin die Demonschtrationen in andere Stedt uf wenig Inträssi gstoße.

Bolitik- un Sozialwisseschaftler ordne d Dailnämmer zum Dail as rächtpopulistisch bis rächtsextrem yy, zum Dail as burgerli-konservativ. Dr Bundesbresidänt Joachim Gauck, d Bundeschanzleri Angela Merkel, großi Glaubesgmainschafte un anderi Organisatione warne vor dr Främdefyndligkait un em Rassismus, wu vu däne Demonschtratione uusgienge. Z Dresden un in andere Stedt het s au Gegedemonschtratione gee, di grescht am 10. Jänner 2015, wu z Dresden rund 35.000 Lyt dailgnuu hän.

LiteraturBearbeite

  • Jan Kluge: Das Anti-Pegida-Buch. Ein Buch gegen Fremdenfeindlichkeit und Intoleranz. Riva, 2015, ISBN 3864138108
  • Christoph Dreier: Zehntausende demonstrieren gegen Pegida. In: Peter Schwarz (Hrsg.): gleichheit. Zeitschrift für sozialistische Politik und Kultur 1/2015. Mehring Verlag GmbH

WeblinkBearbeite