Paul Lüönd

en Schwizer Schwyzerörgeler und Politiker

Dr Paul Lüönd (* 15. April 1950 z Ingäbohl; † 3. April 2014 au dert) isch e Schwyzer Schwyzerörgeler un Bolitiker gsii.

dr Paul Lüönd
Paul & Rees
d Mosibuebä

Musik ändere

Dr Paul Lüönd het z Ingäbohl gläbt un syt eppe 1968 Schwyzerörgeli gspiilt. In dr 70er Johr het er a baar Mol mit em Rees Gwerder chenne ufspiile un eso au vyl Stuck lehre. Ab 1970 het er au mit sym Brueder Alois Lüönd as Schwyzerörgeliduo ufgspiilt.

Vum Martin Nauer, em Vater vum glychnamige Musiker, het vor allem dr Alois au di alte Dänz vum Josef Stump chenne lehre, wu dr Nauer vum Balz Schmidig iberliferet kriegt ghaa het, wu no mit em Josef Stump sälber gspiilt ghaa het.

Anne 1976 het dr Daniel Lüönd, dr jingscht vu dr Mosi-Bríeder, dr Bass glehrt. Derwäge isch derno s Schwyzerörgelitrio Mosibuebä entstande. In dr 1970er Johr het s e baar Mol mit em Rees Gwerder gspiilt. D Formation Mosibuebä het s vu 1976 bis 2014 gee un isch in dr Zwischezyt mit em Daniel Gwerder un em Philipp Schuler zue me Schwyzerörgeliquintett versterkt wore. Alli Dänz vum Josef Stump un em Balz Schmidig un di aigene sin vu Musiker zue Musiker wytergee wore, Note het s fascht nit gee un d Musiker hään au kai Note chenne läse. Mittlerwyli git s e baar Notehefter vu dr Mosibuebä un vum Paul Lüönd, feschtghalte vum Reto Grab. Derzue het dr Paul no mit dr Retomons & Waschi GmbH un dr Zündhölzli-Musig mitgspiilt. Am 19. Merz 2014 sin d Mosibuebä wäg dr Chranket vum Paul Lüönd ufglest wore, am 3. April 2014 isch dr Paul Lüönd gstorbe.

Unter dr Laitig vum Reto Grab sin mit dr Mosi-Musig 2 CD mit dr Musik vum Paul produziert wore.

Bolitik ändere

Dr Paul Lüönd isch fir Ingäbohl as Verdrätter vu dr SVP im Schwyzer Kantonsrot ghockt. Sy Noofolg het sy Dochter Cornelia aadrätte.

Privat ändere

Dr Paul Lüönd isch mit drei Brieder im Mosi z Ingäbohl im Kanton Schwyz ufgwachse. Är het vu 1972 bis zur Pänsionierig bi dr Firma Auf der Maur z Schwyz as Maschinischt gschafft. Är isch ghyrote gsii un het zwai Chinder ghaa. Am 3. April 2014 isch dr Paul Lüönd noch er schwäre Chranket sgtorbe.

Diskografi ändere

  • 1981 MC/LP
  • 1982 MC/LP zusammen mit der Wöschbrettbänd
  • 1983 MC/LP
  • 1991 "Schwingä und Örgälä im Alpstübli" (zum 15- jehrige Jubiläum)
  • 1999 "Örgelimusig vo 1911 - 1999"
  • 2004 "Diänigs usem Schwyzerbiet"
  • 2006 "30 Jahre Mosibuebä"
  • 2013 "Vo früener bis hüt"

Derzue git s e Hufe CD, wu d Mosibuebä mit ainzelne Titel druf sin.

Heerbyschpel Mosibuebä ändere

Kompositione vum Paul Lüönd (Uuswahl) ändere

Alberts Geburtstagsfäscht, Bi ruch und guät, Biemscht-Chuächä & Greubi-Chrapfä, Bim Pius uf em Urmiberg, Bim Xaveri im Täli, Black Finger, Chilbimorgä im Alperösli, Cornelia, De Banjo-Otti, Edith und Stefan Schaller, Einzug der Greifler in Bulle, Genosse Gnos, Häppys Alka-Seltzer, He du Leni, Heinz Eggenberger-Marsch, Heja Volvo, Hudli-Demokratie, Is Tobitschä z'Ingenbohl, James uf dr Näbelfahrt, Kilchbergsieger Eugen Hasler, Der kleine Andreas, Kranzschwinger Andreas Lüönd, Retomons und Waschi GmbH, Richard Jackson, Stöösler Nachtläbe, Strudeli und Strätteli z'Bellinzona, SVP Kantonsrätin, s'Wellgruebi-Tänzli, Trochä Feuserlä, Üsä Werner z'Morschach, Vater Bodmer-Marsch, Zoll vom Hochmoor, Zürcher/Schmidig-Örgeli, Ä fulä Hund, Am Feldweg, Am Leewasser, De Prediger, Dr Eggälär, Fit mit Fynn, Ambri Fan-Club Muotathal, Brunner Hobby-Schäfer, Daniel Gwerder-Marsch, David's Mosi-Bar ufem Stoos, De Hermann gahd dur d'Chälä ufä, Elin Sandra, Im Hundenen-Zoo, Mosi-Nord, Landschriber Schibig, Manuela und Martin in Kanada, Stockäntä-Schottisch, Streng geheim, Thomas Scherrer-Schottisch, Trychler-Freud, Über Wylen, Vater's Tesinger-Trychlä, z'Ingenbohl da isch eim wohl, z'ringelume, Zwärggeissä-Polka.

Weblink ändere

  Commons: Paul Lüönd – Sammlig vo Multimediadateie


  Dä Artikel basiert uff ere fräie Übersetzig vu dere Version vum Artikel „Paul_Lüönd“ vu de dütsche Wikipedia. E Liste vu de Autore un Versione isch do z finde.