Peter Schopfer
| Dialäkt: Undermarkgreflerisch |
Dr Peter Schopfer (* 19. Dezämber 1938 z Stuegert) isch e dytsche Botaniker mit em Forschigsschwärpunkt Pflanzephysiology.
Läbe un Wirke ändere
Dr Schopfer het vu 1958 bis 1965 an dr Tächnische Hochschuel Stuegert, z Innsbruck, z Dibenga un z Fryburg Biology, Chemy, Geografy un Philosophy studiert. Är isch bim Hans Mohr anne 1966 z Fryburg promoviert wore un isch as Post-Doktorand am Brookhaven National Laboratory bim H. W. Siegelmann gsii. Anne 1971 het er si an dr Universitet Fryburg habilitiert. Im Johr 1976 isch er zerscht isseschaftlige Rot un schließli Brofässer fir Botanik an dr Fakultet fir Biology wore. Anne 2004 isch er emeritiert wore.
Dr Peter Schopfer het d Mechanisme vu dr Phytochrom-Wirkig untersuecht, liechtempfindligi Pflanzenenzym un d Wirkig vu Liecht uf Pflanzehormon. Au d Veränderig vu Zällprozäss vu Radikal, wu dur Liecht erzygt wäre, het zue syne Forschigsthemene ghert.
Vu 1970 bis 1982 isch er Mitglid im Sunderforschigsberaich 46 vu dr DFG „Molekulari Grundlage vu dr Entwicklig“ gsii un vu 1982 bis 1994 Mitglid im DFG-Sunderforschigsberaich 206 „Biologischi Signalreaktionszälle“.
Dr Schopfer isch Ehremitglid vu dr Dytsche Botanische Gsellschaft. Anne 2002 isch er Mitglid vu dr Leopoldina wore.[1]
Uusgläseni Schrifte ändere
- mit em Axel Brennicke: Pflanzenphysiologie. 7. Uflag, Spektrum Akademischer Verlag 2010 (Neiuusgab vum urspringli mit em Hans Mohr verfasste Lehrbuech, 3. Uflag Springer 1978)
- mit em Hans Mohr: Plant Physiology. Springer 1995
- Experimentelle Pflanzenphysiologie, 2 Bänd, Springer 1986, 1989
- Experimente zur Pflanzenphysiologie. Eine Einführung. Rombach 1970, Springer 1976
Weblink ändere
Fueßnote ändere
- ↑ Mitglidsyytrag vu Peter Schopfer bi dr Dytsche Akademy vu dr Naturforscher Leopoldina, abgruefen am 17. Oktober 2015.
|
Dä Artikel basiert uff ere fräie Übersetzig vu dere Version vum Artikel „Peter_Schopfer“ vu de dütsche Wikipedia. E Liste vu de Autore un Versione isch do z finde. |