Hauptmenü ufmache

Pfarrer

geistlige Leiter von ere christilche Gmeind
E Pfarrer vo der norwägische Chille bi der Konfirmation.

Pfarrer isch en Begriff, wo bsunders in chrischtliche Chilene für e Person bruucht wird, wo für d Leitig vo de Gottesdienscht und für d Seelsorg in ere Pfarrei oder Chilegmaind zueschtändig isch.

Inhaltsverzeichnis

EtymologiiBearbeite

S Wort Pfarrer isch e germanischi Bildig (früehmhd. pharrâre, mhd. pharrære, pharrer, pfarrer) in Analogii zu griech.: παροικία, paroikía, wo zsämmegsetzt isch us παρά (in der Nöchi, noch zu) und οίκος (Huus), d. h. wörtlig Nochberhüüser, Nochberschaftsbezirk; drvo abgleitet isch au der latiinisch Begriff: parochus oder parochianus; im Chillelatiinische git s für Pfarrer au dr Udruck plebanusLüütpriester, Landpfarrer, Dorfgeistlige“ (im Gegensatz zum gebildete Kleriker) vo plebs „(eifachs Chille-) Volk“) und/oder vo (ecclesia) plebes Lüütchille, Pfarrchille). S Wort „Pfarrer“ het si Ursprung im ene germanische Begriff für Bezirk oder e begränzts Gebiet, wo au dr Ursprung isch vom Wort Pferch, so dass der „Pfarrer“ dr „Pfarr(h)er(r)“ vom ene Gebiet isch, ebe vo der „Pfarrei“.

UfgabeBearbeite

Je nach Organisation vo de jewilige Chile isch de Pfarrer näbe de Gottesdienscht und de Seelsorg au ganz oder teilwiis au für d Leitig vo de Gmeind verantwortlich. Usnahme gits in dere Bezihig bsunders in Landeschilene in de Schwiiz, wo d Pfärrer in bschtimmte Landeschilene kei Schtimmrächt im Chilegmeindrot reschpektiv de Chilepfläg hei.

Au anderi Ufgabe, wi zum Bischspil Religionsunterricht, chöi zum Arbeitsuftrag vo eme Pfarrer ghöre.

In der römisch-katholische und de chrischtkatholische Chile cha numme en Prieschter Pfarrer si.

Fraue im Amt als PfarrerBearbeite

Sit öppe de Mitti vom 20. Johrhundert hei in vilne Chilene au Fraue d Möglichkeit übercho, Pfarrerin z werde. Wil i de römisch-katholische Chile s Amt vom Pfarrer a s Prieschtertum bunden isch[1] und nume Manne Prieschter chönd wärde,[2] gits döt kei Pfarrerinne. Im Zytalter vom Prieschtermangel chunnts immer hüfiger vor, as e Pastoralassistänti im e Seelsorgeteam und/oder in ere Pfarrei di administrativi Leitig öberninnt. Gemäss em «Römische Chilerächt» (Codex Iuris Canonici) chan aber nume en Prieschter d Pfarreileitig inne ha, was zu immer grössere Seelsorgeverbänd, resp. Seelsorgeeinheite[3] füert.

WeblinkBearbeite

  Commons: Pfärrer – Sammlig vo Multimediadateie

FuessnooteBearbeite

  1. Can. 517 § 2 CIC „Pfarreien, Pfarrer und Pfarrvikare“
  2. Can. 1024 CIC „Weihebewerber“
  3. Seelsorgeeinheiten uf kath-stgallen.ch