S Farmazii-Historische Museum vo dr Uniwersidäät Baasel

S Farmazii-Historische Museum vo dr Uniwersidäät Baasel befindet sich im Huus zem Sässel am Dootegässli 3 in dr Schwizer Stadt Baasel und isch dr Gschicht vo dr Farmazii gwidmet.

im Farmazii-Historische Museum vo dr Uniwersidäät Baasel

Dialäkt: Baseldütsch

S Museum het äini vo de grösste Sammlige, wo mit dr Gschicht vo dr Farmazii z due häi, uf dr ganze Wält. Mä findet dört Apideekerkeramik, ganzi Apidekermobiliar, e Alchemiste-Laboratorium, Mörser, Räiseapideeke, Büecher wie Der Gart der Gesundheyt vom Johann de Cuba (Augsburg, 1488) oder s New Kreüterbuch vom Leonhart Fuchs, Medikamänt vo früener und alles, was mit dr Herstellig vo Medikamänt (und au Hokuspokus, em materia medica) z due het.

dr Iigang zum Farmazii-Historische Museum

Gschicht

S Farmazii-Historische Museum isch 1925 dur e Apideeker Josef Anton Häfliger gründet worde, wo s denn dr Uniwersidäät Baasel gschänggt het, und het Usstelligsrüüm im alte Huus Zum vordere Sässel am Dootegässli überchoo, wo emol dr Paracelsus und dr Erasmus vo Rotterdam ii- und usgange si und dr Johann Amerbach und dr Johann Froben Büecher druggt häi. Im Joor 2001 isch dr Beriich vom Iigang vom Museum umbaut worde und e historischi Apideek, s Herbarium, wird jetz as Museumskasse und Iichaufslaade brucht.

Lueg au

• Baasler Museum

Weblingg

 Commons: Farmazii-Historischs Museum, Baasel – Sammlig vo Multimediadateie

• Pharmazie-Historisches Museum der Universität Basel

47.5586157.586128

Dä Artikel basiert uff ere fräie Übersetzig vu dere Version vum Artikel „Pharmazie-Historisches_Museum_der_Universität_Basel“ vu de dütsche Wikipedia. E Liste vu de Autore un Versione isch do z finde.