Plan incliné de Saint-Louis-Arzviller
| Dialäkt: Mìlhüüserisch |
Dr plan incliné de Saint-Louis-Arzviller ìsch a Lift fer d Schìff, uf em Rhii-Marne-Kànal, ìm Département Moselle. Dia Ànlàg ersetzt a Strecka mìt sìbzeh Schliaßa, wàa ìn da Schìfffàhrer ei Tàg Reis màcht spàra.
Gschìcht
ändereÀnna 1853 hàt's d Eräffnung vum Rhii-Marne-Kànàl gaa. Ar ìsch 314 km làng, ar hàt 178 Schliaßa, a Reis uf dam Kànàl düürt 6 bis 9 Tag.
Derbii ìsch d Strecka zwìscha Saint-Louis un Arzwiller; d Reis uf dara Strecka düürt 1 Tàg, sa ìsch 4 km làng un hàt 17 Schliaßa.[1] A so-n-a Schliaßa hàt a Heecha vu 2,6 m un a Länga vu ungfahr 200 m. Dàs System brüücht vìel Wàsser, wàs bi truckenem Watter a Problem kààt wara. Ààgstellta han àn dana Schliaßa gschàfft, jeder Tàg vu dr Wucha; àls Pflìcht han sa müeßa d Schìff lo dura geh, d Schliaßa un d Umgawung vum Kànàl unterhàlta, un uf d Sìcherheit lüega.
Ànna 1962 ìsch a Wettbewerb orgànisiart worra, fer a Bàuiwark wo d 17 Schliaßa sott ersetza. 40 Projakta, mìt verschììdena Prìnzip, mehr oder weniger geignet, sìn vorgstellt worra.
Vu 1964 bis 1969 ìsch dr Plan incliné bàuia worra. Ar ìsch vum Frànzeescha Ingénieur Robert Vadot entworfa worra.
Dr Plan incliné funktionniart zitter em 27. Janner 1969.
Tecknischa Àspekta
ändereS Maß vum plan incliné ìsch 108,6 m ìn dr Länga (Horizontal) un 44,50 m ìn dr Heecha; dàs màcht a Wìnkel vu 22°, oder 41 Stiigung.[2]
S Becka ìsch 41,50 m làng un 5,50 m breit.
Urpsrunglig sìn zwei Becka vorgsah gsìì. Dr Schìffverkehr hàt àwer àbgnumma, numma noch ei Becka ìsch schliaßlig notwandig gsìì.
S Bàuiwark enthàltet 4 Tìra, 2 dowa un 2 dunta.
D Reis vu'ma Schìff ìm Becka düürt ungfahr 25 mn ìm Gànza, derbii 4 mn fer uffa oder àwa geh.
S Bàuiwark gheert ìm Frànzeescha Stààt un ìsch vu da „Voies Navigables de France“ verwàlta.
S Prìnzip brüücht wenig Energii: 2 elektrischa Motor, jeder vu 88 kW. S Prìnzip lìgt ìm Unterschìed zwìscha da Gwìchta vum Becka un vu sim Gegagwìcht.
Prìnzip vu dr Bewegung
ändere
Wenn s Becka dunta ìsch, müeß's gfìllt sìì mìt aso vìel Wàsser àss's liichter ìsch àss si Gegagwìcht; fer weniger Wàsser hàà, hàltet s Becka 20 cm heecher às dr Kànàl.
Un umgkehrt, wenn s Becka dowa ìsch, kummt aso vìel Wàsser derzüe àss's schwarer wìrd àss si Gegagwìcht; fer mehr Wàsser hàà, hàltet s Becka 20 cm nìderer às dr Kànàl.
So geht s Becka fàscht automàtisch ìn Bewegung. D elektrischa Motor sìn hàuiptsachlig do fer ìn dr Bewegung nohhalfa un d Gschwìndigkeit meischtra.
S Gegawìcht entsteht üs 2 Béttungbläck, jeder vu 450 T. Jeder Béttungblock ìsch dur 14 Stàhlkàwel vu 27 mm Durschnìtt àm Becka ààghangt.
Zwìschafall
ändereÀm 4. Juli 2013 ìsch s Üsflugschìff „Paris“ ìm Becka bliiwa stacka, s Becka hàt sìch teilwiis àbghangt. Üs Àngscht nu-n-era Ìwerschwämmung hàt ma fer a pààr Stund d Gmein Litzelbuerg evakuirt.[3] Àm 2. Mai 2014 ìsch dr plan incliné wìder ìn Betriib kumma. Wahrend dara Steerung han d Schiff a Umwag dur Metz, ìn dr Moselle, müeßa màcha.
Àm 10. Juli 2014 ìsch dr plan incliné wìder züegschlossa worra, waga-n-ema Zwìschafàll àm Becka.[4][5] Ààfàng 2015 ìsch's grepàriart gsìì.
Weblink
ändere
Commons: Schiffshebewerk Saint-Louis/Arzviller – Sammlig vo MultimediadateieReferanza
ändere- ↑ Vorstellung, uf em offiziella Websitt (fr). Archiviert vom Original am 28. August 2019; abgruefen am 15. September 2019.
- ↑ Tecknischa Àspekta, uf vnf.fr, Archive (fr). Archiviert vom Original am 9. August 2016; abgruefen am 15. September 2019.
- ↑ Unfàll vum 4. Juli 2013, uf france3 àm 04.07.2013 (fr). Archiviert vom Original am 28. August 2019; abgruefen am 15. September 2019.
- ↑ Unfàll vum 10. Juli 2014, uf france3 àm 11.07.2014 (fr). Archiviert vom Original am 28. August 2019; abgruefen am 15. September 2019.
- ↑ Schàda vum Umfàll fer d lokàla Wìrtschàft, uf france3 àm 17.07.2014 (fr). Archiviert vom Original am 28. August 2019; abgruefen am 15. September 2019.
Koordinate: 48° 42′ 57,3″ N, 7° 13′ 6,4″ O