Pogradec
Pogradec (Ussprooch: [ˈpɔgɾadɛts]; bestimmti Form im Albanische: Pogradeci) isch e Stadt im Südoschte vo Albanie aa de Gränz zue Nordmazedonie am Ohridsee. De Name vo de Stadt chunt ussem Slawische un bedütet „unterem Städtli“. In de Stadt sälber gits zwar kei slawischsproochigi Bevölcherig mee, es git aber Dörfer in de Umgebig, wo Aaghörige vo de mazedonische Minderheit läbe.
| Pogradec | |||
|---|---|---|---|
| |||
| Koordinate | 40° 54′ N, 20° 39′ O | ||
| Basisdate | |||
| Staat | Albanien | ||
|
Qark |
Qark Korça | ||
| Kreis | Kreis Pogradec | ||
| Höchi | 697 m | ||
| Iiwooner | 54.000 (2004) | ||
| Poschtleitzahl | 7301-7303 | ||
| Website | www.bashkiapogradec.gov.al | ||
 | |||
Pogradec het wäge Zerstörige in de Balkan- un de beide Wältchrieg kei bsundri historischi Sehenswürdigkeite. Als Ussflugsziil isch d Stadt aber einewäg wäge em Ohridsee un kulinarischi Bsunderheite beliebt. Usserdäm herrscht in de Gegend durch de Yfluss vum See e gmässigters Klima wie in andri Landesdeil. De Tourismus wird allerdings no durch Problem mit de Müll- un Abwasserentsorgig behindret. Syt em Joor 2007 bemiet sich d Stadtverwaltig in Zämmearbet mit internationale Organisatione die Problem z löse. Usserem Tourismus isch vorallem d Landwirtschaft un d Fischerei wichtig.
Weblink ändere
Commons: Fotis vo Pogradec – Sammlig vo Multimediadateie