Frànzeescha Präsidantswàhla vu 2017

Dialäkt: Mìlhüüserisch

D Frànzeescha Präsidantswàhla vu 2017 han àm 23. Àwril 2017 un àm 7. Mai 2017 stàtt gfunda. Dr Präsidant ìsch fer 5 Johr gwählt worra. As sìn d 11. Wàhla vu dr 5. Repüblik ìm Frànkrìch gsìì.

Dr Emmanuel Macron ìsch Präsidant gwählt worra.

Lischta vu da Kàndidàta

Dr François Hollande, wo dur d letschta Wàhla Präsidant worra ìsch, hàt àm 1. Dezamber 2016 verkìndigt àss’r fer d naachschta Wàhla nìmm Kàndidàt wìll sìì. A so-n-a Entscheidung ìsch a Üsnàhm ìn dr 5. Repüblik, denn bis jetz ìsch gweehnlig dr Präsidant àn da naachschta Wàhla wìder derbii gsìì; àwer d Opinionsumfroga han zeigt àss dr Hollande nìmm so beliabt gsìì ìsch, àlso hàt’r liawer d meischta Chanca ìn da àndra Lìnks-Kàndidàta wälla loo.

Fer ìhra Stärka vereiniga, düen teil politischa Tendanz Primaire-Wàhla orgànisiara, àss numma ei Kàndidàt vu dana sìch ufstellt. 'sìsch dr Fàll gsìì fer d Rachta-Pàrtèi (mìt Primaires-Wàhla ìm Novamber 2016) un fer d Lìnka-Pàrtèi (mìt Primaires-Wàhla ìm Janner 2017).

Fer sìch känna ufstella, hàt jeder Kàndidàt mìndschens 500 Unterschrìfta vu Gwählta müeßa sàmmla, bis àm 17. März 2017. Àm 18. März 2017 hàt dr Conseil Constitutionnel d Lischta vu da Kàndidàta verkìndigt.

• 
  Nathalie Arthaud
  █Lutte ouvrière
• 
  François Asselineau
  █Union populaire républicaine
• 
  Nicolas Dupont-Aignan
  █Debout la France
• 
  François Fillon
  █Les Républicains
• 
  Benoît Hamon
  █Parti socialiste
• 
  Jean Lassalle
  █unàbhangig
• 
  Marine Le Pen
  █Front national
• 
  Emmanuel Macron
  █En marche
• 
  Jean-Luc Mélenchon
  █La France insoumise
• 
  Philippe Poutou
  █Nouveau Parti anticapitaliste

Nathalie Arthaud

D Nathalie Arthaud (* 23. Hornung 1970 z Peyrins) ìsch d Kàndidàtin vu dr „Lutte ouvrière“ Pàrtei (Lìnksextrem). Sa ìsch Wìrtschàftslehrera (Ökonomie un Management).

François Asselineau

Dr François Asselineau (* 14. Septamber 1957 z Pàris) ìsch a Politiker vu dr Union Populaire Républicaine (UPR).

Jacques Cheminade

Dr Jacques Cheminade (* 20. Àuigscht 1941 z Buenos Aires, ìn Argentinia) ìsch dr Kàndidàt vu dr Pàrtei „Solidarité et Progrès“, wo-n-'r ànna 1996 grìnda hàt. Àls Berüef ìsch'r Schrìftsteller.

Nicolas Dupont-Aignan

Dr Nicolas Dupont-Aignan (* 7. März 1961 z Pàris) ìsch dr Kàndidàt vu dr Pàrtei „Debout la République“.

François Fillon

Dr François Fillon (* 4. März 1954 z Le Mans) ìsch àn da Primaires-Wàhla vu da Racha-Pàrtèi üssakumma. Kurz nochhar ìsch a Àffar ìwer a güet bezàhlta Àrwet vu sinera Fràui üssa kumma, dr „Penelopegate“; dàs ìsch fer ìhn a Hìndernis, trotzdam hàt'r sina Kàndidàtür nìt wälla ufgaa.

Benoît Hamon

Dr Benoît Hamon (* 26. Juni 1967 z Saint-Renan) ìsch àn da Primaires-Wàhla vu da Lìnka-Pàrtèi üssakumma. 's ìsch a Politiker vum Parti Socialiste.

Jean Lassalle

Dr Jean Lassalle (* 3. Mai 1955 z Lourdios-Ichère) ìsch a Politiker. Ar stellt sìch àls unàbhangiger Kàndidàt uf, ohna a Pàrtèi z'vertratta.

Marine Le Pen

D Marine Le Pen (* 5. Àuigscht 1968 z Neuilly-sur-Seine), Tochter vum Politiker Jean-Marie Le Pen, ìsch d Kàndidàtin vum Rachtsextrema. Àls Berüef, ìsch sa Àdvokàt. Ìhra Rachtsextrema Pàrtèi hàt ìn da Primaires-Wàhla vu da Rachta-Pàrtèi nìt derzüegheert (dr Meinungsunterschìed ìsch züe groß).

Emmanuel Macron

Dr Emmanuel Macron (* 21. Dezamber 1977 z Amiens) hàt ìm Parti Socialiste ààgfànga. Ànna 2016 ìsch'r àwer drüsgànga fer sina eigena Pàrtèi grìnda. Ar hàt àn da Primaires-Wàhla vu da Lìnka-Pàrtèi nìt wälla mìtmàcha.

Jean-Luc Mélenchon

Dr Jean-Luc Mélenchon (19. Àuigscht 1951 z Tanger, ìm Màrokko) ìsch dr Kàndidàt vum „Front de Gauche“ (Lìnksextrem). Ar hàt scho verschìedena Berüefa ghàà, meischtens àls Ààgstellter ìn dr Politik.

Philippe Poutou

Dr Philippe Poutou (14. März 1967 z Villemomble) ìsch dr Kàndidàt vum NPA (Lìnksextrem). Ar ìsch Àrweiter ìn dr First-Ford Fàwrìk vu Blanquefort un Veràntwortlig ìm Syndicat CGT.

Erschter Tour

D Television hàt wahrend dr Wàhlkàmpàgna mehrera Debàtta zeigt: a Debàtta mìt numma d fìmf wìchtigschta Kàndidàta àm 20. März 2017, a Debàtta mìt àlla elf Kàndidàta àm 4. Àwrìl 2017, un a Interview vu jedem Kàndidàt àm 20. Àwrìl 2017.

	Stìmma	% vu da Igschrìewena
Igschrìewena Wähler	47 582 183	100 %
Wo gwählt han	37 003 728	77,77 %
Wo wiss gwählt han	659 997	1,78 %
Wo nìt gwählt han	10 578 455	22,23 %

Ergabnis ìn da Departements vum erschta Tour vu da Frànzeescha Präsidantswàhla vu 2017.

	Kàndidàt	Stìmma	% Stìmma
	Emmanuel Macron En marche !	8 656 346	24,01 %
	Marine Le Pen Front national	7 678 491	21,30 %
	François Fillon Les Républicains	7 212 995	20,01 %
	Jean-Luc Mélenchon La France insoumise	7 059 951	19,58 %
	Benoît Hamon Parti socialiste	2 291 288	6,36 %
	Nicolas Dupont-Aignan Debout la France	1 695 000	4,70 %
	Jean Lassalle Résistons !	435 301	1,21 %
	Philippe Poutou Nouveau Parti anticapitaliste	394 505	1,09 %
	François Asselineau Union populaire républicaine	332 547	0,92 %
	Nathalie Arthaud Lutte ouvrière	232 384	0,64 %
	Jacques Cheminade Solidarité et Progrès	65 586	0,18 %

Qualla: Ergebnissa uf em Offiziella Websitt vum Stààt.

Zweiter Tour

Ergabnis ìn da Departements vum zweita Tour vu da Frànzeescha Präsidantswàhla vu 2017.

's hàt àm 3. Mai 2017 a Debàtta mìt dr Marine Le Pen un em Emmanuel Macron gaa, wo ma àn dr Television hàt känna lüega. Dr Ton vu dara Debàtta ìsch ungweehnlig krobb gsìì.

	Stìmma	% vu da Igschrìewena
Igschrìewena Wähler	47 568 693	100 %
Wo gwählt han	31 381 603	65,97 %
Wo wiss gwählt han	3 021 499	6,35 %
Wo nìt gwählt han	12 101 366	25,44 %

	Kàndidàt	Stìmma	% Stìmma
	Emmanuel Macron En marche !	20 743 7128	66,10 %
	Marine Le Pen Front national	10 638 475	33,90 %

Qualla: Ergebnissa uf em Offiziella Websitt vum Stààt.

Referanza

Wààhla un Volksàbschtìmmunga ìn dr Fìmfta Frànzeescha Repüblik

^§ = ìndiräkta Wààhl