Alemannische Wikipedia

Prassa-n-àmt vum Hailiga Schtüahl

S’ Prassa-n-àmt vum Hailiga Schtüahl (làtiinisch Sala Stampa Sanctae Sedis, itàliaanisch Sala Stampa della Santa Sede) ìsch d’ Prassaschtälla vum Hailiga Schtüahl un vu dr Reemischa Küria. ’S ìsch àm 18. Oktoower 1966 dur dr Pàpscht Pooli VI. grìnda worra.[1] ’S düat vor àllem d’ Prassamäldunga vum Pàpscht un vu da Küria-n-iirìchtunga ìm Tààglig Bulletin veräffentliga. S’ Prassa-n-àmt hàt sii Sìtz ìm Palazzo dei Propilei z’ Rom, grààd vorna àm Petersplàtz.

Bàsisdààta
Nàmma Prassa-n-àmt vum Hailiga Schtüahl
(Sala Stampa della Santa Sede)
Sìtz Palazzo dei Propilei
Via della Conciliazione, 54
V–00120 Città del Vaticano
Dirakter Matteo Bruni
Vìzadiraktera Cristiane Murray
Dialäkt: Mìlhüüserdiitsch

Gschìchta

ändere

Àm 20. Hornung 1939 hàt dr Pàpscht Pius XI. a äärscht Prassa-n-àmt grìnda, wo zär vàtikàànischa Zittung L’Osservatore Romano gheert hàt. S’ Ziil ìsch, d’ Noohrìchta diräkt ìn da Schurnàlìschta z’ gaa.[2] Wahrem Zwaita Vàtikàànischa Konziil ìsch beschlossa worra, àss a bsunderer Ràuim fìrs Prassa-n-àmt iigrìchta wara wurd. Soo ìsch s’ Prassa-n-àmt vum Hailiga Schtüahl offiziälla ànna 1966 vum Pooli VI. grìnda worra; ’s ìsch em Pàpschtliga Root fìr d’ soziààla Kommunikàzioonsmìttel un em vàtikàànischa Schtààtssekretàriààt unterschtällt gsìì.

Ànna 1988 hàt dr Pàpscht Johànnis Pooli II. ìn dr Apostoolischa Konschtituzioon Pastor Bonus d’ Rolla vum Prassa-n-àmt genäijer üssgedruckt:

„In gleicher Weise ist es Aufgabe dieser Sektion, […] die amtlichen Nachrichten, welche sich entweder auf Akte des Papstes oder auf die Tätigkeit des Heiligen Stuhls beziehen, mittels eines eigenen, ihr unterstellten Amtes, das allgemein Vatikanisches Presseamt genannt wird, öffentlich zu machen und zu verbreiten […].“[3]

Àm 27. Jüüni 2015 hàt dr Pàpscht Frànsiskus dur a Briaf dr Sekretàriààt fìr Kommunikàzioon ìnnerhàlb vu dr Reemischa Küria grìnda; s’ Prassa-n-àmt ìsch doo drìnn iiglììdert worra, àwwer s’ gheert ìmmer noch zem Schtààtssekretàriààt.[4] Àm 21. Dezamber 2015 hàt dr Frànsiskus dr Greg Burke zem Vìzadirakter vum Prassa-n-àmt vum Hailiga Schtüahl ärnännt — dr Burke ìsch vorhar Kommunikàzioonsroot fìr d’ Sekzioon vu da Àllgmaina Ààglaagahaita vum Schtààtssekretàriààt vum Hailiga Schtüahl gsìì. Nohdam àss dr Burke ànna 2016 zem Dirakter ärnännt worra-n-ìsch, ìsch d’ schpàànischa Schurnàlìschta Paloma García Ovejero àls äärschta Fràui Vìzadiraktera worra. Àm 31. Dezamber 2018 hann dr Burke un d’ García Ovejero ìhra Rucktrìtt verkìndet.[5]

Ìm Jüüli 2019 hàt dr Frànsiskus dr Itàliaaner Matteo Bruni zem Dirakter ärnännt.[6][7] Dr Bruni ìsch dr äärschta Dirakter, wu nia àls Schurnàlìscht gschàfft hàt.[8] Ìm gliicha Moneet hàt dr Pàpscht d’ Bràsiliàànera Christiane Murray zär Vìzadiraktera ärnännt — 25 Joohra làng ìsch hàt sa d’ pàpschtliga Raisa-n-ìns Üsslànd fìr dr Vatikan Radio kommentiart.[7][9]

s’ „Tààglig Bulletin“

ändere

Ìn da „Tààgliga Verlüttbààrunga vum Prassa-n-àmt vum Hailiga Schtüahl“ fìnda m’r Zammaschtällunga vun äffentliga Verlüttbààrunga vum Pressa-n-àmt. Sa wara jeeder Tààg uff Itàliaanisch gschrììwa, àwwer manckmol wara sa ìn àndra Schproocha-n-ìwwersätzt. Ìn dr Dokumantàzioon känna m’r zem Biischpììl d’ Ààschpraacha, Bootschàfta un Dokumanta vum Pàpscht so wia d’ Ärkläärunga vum Dirakter vum Prassa-n-àmt laasa. Uff dr Websitta vum Prassa-n-àmt gìtt’s a gschtìtzt Beraich, wu numma d’ àkkreditiarta Schurnàlìschta därfa inageh.

Vatican Information Service

ändere

Dr Vatican Information Service (VIS, „Vàtikàànischer Informàzioonsdianscht“) veräffentligt Ìnformàzioona un Schtàtistika-n-ìwwer s’ Pàpschttumm un d’ Aposchtoolischa Raisa vum Pàpscht. Jeeder Tààg ìsch a Zammafàssung vu da Àktiwiteeta vum Pàpscht un vum Hailiga Schtüahl z’ laasa. D’ Mìttailunga känna m’r uff Anglisch, Frànzeesch, Schpàànisch un Itàliaanisch laasa.

Lischta vu da Dirakter vum Prassa-n-àmt

ändere
  • Angelo Fausto Vallainc (Dirakter; 1966–1970)
  • Federico Alessandrini (Dirakter; 1970–1976)
  • Romeo Panciroli (Dirakter; 1976–1984)
  • Joaquín Navarro-Valls (Dirakter; 1984–2006)
  • Federico Lombardi SJ, (Dirakter; 2006–2016)
  • Greg Burke (Dirakter; 2016–2018)[10]
    • Angelo Scelzo (Vìzadirakter; 2013–2016)
    • Paloma García Ovejero (Vìzadiraktera; Jüüli 2016 – Dezamber 2018)[10]
  • Alessandro Gisotti (1. Janner 2019–22. Jüüli 2019, kommisààrischer Laiter)[10]
  • Matteo Bruni (22. Jüüli 2019–)[6]

Weblìnks

ändere
  Commons: Prassa-n-àmt vum Hailiga Schtüahl – Sammlig vo Multimediadateie

Ainzelnoohwiisa

ändere
  1. ↑ Johannes Schidelko: Vor 50 Jahren wurde das Presseamt des Heiligen Stuhls gegründet. Von der Rohrpost zum Internet. In: Domradio. Bìldungswark vum Arzbìschtumm Köln, 18. Oktober 2016, archiviert vom Original am 24. Juni 2023; abgruefen am 29. Oktober 2023.
  2. ↑ L’Osservatore Romano. 23. Februar 1939 (italienisch).
  3. ↑ Johànnis Pooli II.: Apostolische Konsitution Pastor Bonus über die Römische Kurie. 28. Juni 1988, II, Art. 43 (vatican.va [abgerufen am 29. Oktober 2023]).
  4. ↑ Apostolic Letter issued 'Motu Proprio' by the Supreme Pontiff Francis: For the Establishment of the Secretariat for Communication. In: vatican.va. Hailiger Schtüahl, abgruefen am 29. Oktober 2023 (änglisch).
  5. ↑ Paloma and I have resigned, effective Jan. 1. At this time of transition in Vatican communications, we think it's best the Holy Father is completely free to assemble a new team. Twitter, 31. Dezember 2018, archiviert vom Original am 27. Juli 2023; abgruefen am 29. Oktober 2023 (änglisch).
  6. ↑ 6,0 6,1 Nomina del Direttore della Sala Stampa della Santa Sede. In: Tààglig Bulletin. Prassa-n-àmt vum Hailiga Schtüahl, 18. Juli 2019, abgruefen am 18. Juli 2019 (italiänisch).
  7. ↑ 7,0 7,1 Inés San Martín: British-born Italian layman appointed new Vatican spokesperson. In: Crux Now. 18. Juli 2019, archiviert vom Original am 25. Dezember 2022; abgruefen am 29. Oktober 2023 (änglisch).
  8. ↑ Christopher Altieri: For the first time, a non-journalist is Director of the Vatican Press Office. In: Catholic Herald. 19. Juli 2019, archiviert vom Original am 20. Juli 2019; abgruefen am 29. Oktober 2023 (britischs Änglisch).
  9. ↑ Courtney Grogan: Pope Francis names vice director of Holy See press office. Catholic News Agency, archiviert vom Original am 17. August 2022; abgruefen am 29. Januar 2023 (amerikanischs Änglisch).
  10. ↑ 10,0 10,1 10,2 Personalwechsel im Vatikan: Vatikansprecher tritt überraschend zurück. In: Domradio. Bìldungswark vum Arzbìschtumm Köln, 31. Dezember 2018, archiviert vom Original am 28. Januar 2019; abgruefen am 29. Oktober 2023.
  Dä Artikel basiert uff ere fräie Übersetzig vu dere Version vum Artikel „Presseamt_des_Heiligen_Stuhls“ vu de hochdütsche Wikipedia. E Liste vu de Autore un Versione isch do z finde.
  Dä Artikel basiert uff ere fräie Übersetzig vu dere Version vum Artikel „Holy_See_Press_Office“ vu de änglische Wikipedia. E Liste vu de Autore un Versione isch do z finde.
  Dä Artikel basiert uff ere fräie Übersetzig vu dere Version vum Artikel „Sala_stampa_della_Santa_Sede“ vu de italiänische Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Presseamt_des_Heiligen_Stuhls&oldid=1042540"