Röötrepublik

E Röötrepublik (Röötdemokratii) isch e politischs Süsteem, wo d Bevölkerig in diräkte Waale Rööt weelt, wo denn d Herrschaft usüebe. D Rööt si an d Wiisige vo iire Weeler bunde und müesse sich diräkt vor iine verantworte. E sonigs imperatiivs Mandaat stoot im Geegesatz zum freije Mandaat, wo die gweelte Mandaatsdrääger nume uf „iir Gwüsse“ müesse loose. D Rööt chönne also zu jeedere Zit vo iirem Boste abgrüeft oder abgweelt wärde (Recall).

S Deligramm vom revoluzionääre Zentralroot vo Bayre an s Bezirksamt Fürth, underschriibe vom Ernst Niekisch: „Die Ausrufung der Räterepublik erfolgt am 7. April mittags 12 Uhr…“. Dr Arbäiter- und Soldateroot Fürth und dr Bürgermäister, wo sit 1914 im Amt gsi isch, häi d Aaordnige bestäätigt.

In ere Röötrepublik si d Weeler in Basisäihäite iidäilt, zum Bischbil d Arbäiter vom ene Betriib, d Iiwooner vom ene Bezirk oder d Soldate von ere Kasärne. S Räät, wo gweelt wärde, si öffentligi Funkzionsdrääger, wo Gsetzgääber, Regierig und Gricht in äim si. Im Underschiid zu früenere Demokratiimodäll noch em Locke und em Montesquieu git s in dr Röötrepublik kä Gwaltedrennig. D Rööt wärde uf meerere Ebene gweelt: Uf dr Woon- und Betriibsebeni wärde vo Vollversammlige Abgsandti in die örtlige Rööt gweelt. Die delegiere denn Mitgliider in die neggsthööcheri Ebeni, d Bezirksrööt. S Süsteem vo dr Delegierig goot witer bis zum Zentralroot uf dr staatlige Ebeni, d Waalvorgäng fönge alse unde aa und gönge witer uufe. D Ebene si mäistens an Verwaltigsebene bunde.

As Vorbild für d Röötdemokratii gältet d Bariiser Kommune vom 18. Merz bis 28. Mai 1871.

Litratuur

Standardwärk

• Karl Marx: Der Bürgerkrieg in Frankreich. dütsch uusegee vom Friedrich Engels 1891.
• Richard Müller: Vom Kaiserreich zur Republik. Malik, Wien 1924–1925, 2 Bänd (Wissenschaft und Gesellschaft, Band 3/4).
  • Band 1: Ein Beitrag zur Geschichte der revolutionären Arbeiterbewegung während des Weltkrieges.
  • Band 2: Die Novemberrevolution. Malik-Verlag, Wien 1924.
• Oscar Anweiler: Die Rätebewegung in Russland 1905–1921. Leiden 1958.
• Sebastian Haffner: Der Verrat. Verlag 1900, Berlin 1995, ISBN 3-930278-00-6. (Erstusgoob 1968)
• Ralf Hoffrogge: Richard Müller - Der Mann hinter der Novemberrevolution. Karl-Dietz-Verlag, Berlin 2008, ISBN 978-3-320-02148-1.
• Eberhard Kolb, Klaus Schönhoven: Regionale und lokale Räteorganisationen in Württemberg. Droste, Düsseldorf 1976, ISBN 3-7700-5084-3.
• Ernst Rudolf Huber: Deutsche Verfassungsgeschichte seit 1789, Bd. V: Weltkrieg, Revolution und Reichserneuerung: 1914–1919, § 40 (S. 706 ff.). Stuttgart 1978, ISBN 3-17-001055-7.
• Alexander Berkman: Das ABC des Anarchismus. Trotzdem Verlag, Grafenau 1999, ISBN 3-931786-00-5.

Bischbil für modärni Röötdemokratie

• Ralf Burnicki: Anarchismus und Konsens. Gegen Repräsentation und Mehrheitsprinzip: Strukturen einer nichthierarchischen Demokratie. Verlag Edition AV, Frankfurt 2002, ISBN 3-936049-08-4.
• Takis Fotopoulos: Umfassende Demokratie. Die Antwort auf die Krise der Wachstums- und Marktwirtschaft. Trotzdem Verlagsgenossenschaft, Grafenau 2003, ISBN 3-931786-23-4.

Nöijeri Biidrääg

• Alex Demirović: Rätedemokratie oder das Ende der Politik. (PDF; 272 kB) In: PROKLA. Heft 155, 39. Jg. 2009, Nr. 2, S. 181-206.
• Björn Allmendinger: Einblicke in den Rätediskurs - zu den programmatischen Ansätzen der 68er Bewegung.

Weblingg

• Die Bremer Räterepublik
• Alles über München: Münchner Räterepublik
• Der Volksaufstand in Ungarn 1956
• The Makhno anarchists, Kronstadt and the position of the Russian peasants in post-revolutionary Russia
• Eine moderne Form der 'Rätedemokratie': Inclusive Democracy: Unsere Ziele
• Takis Fotopoulos: Inclusive Democracy – Umfassende Demokratie
• Ralf Hoffrogge: „Das Ende einer Revolution. Novemberrevolution 1918 und Märzstreiks 1919“

Dä Artikel basiert uff ere fräie Übersetzig vum Artikel „Räterepublik“ vu de dütsche Wikipedia. E Liste vu de Autore un Versione isch do z finde.