Dr Radius vom ene Kräis

As Radius (vo lat. radius; „Straal“) (dütsch: Halbmässer) bezäichnet mä in dr Geometri dr Abstand zwüschen em Middelpunggt M vom ene Kräis und dr Kräislinie. Allgemäiner häisst au bin ere dreidimensionale Chugele oder ere $n$-dimensionale Sfääre dr Abstand zwüsche em Middelpunggt und dr Chugeleflechi bzw. Sfääre eso. Gläägentlig wird au e Strecki, wo dr Middelpunggt vo dr Figur mit iirem Rand verbindet, as Radius oder Halbmässer bezäichnet.

Verallgemäineret het jedes geometrische Objekt mit eme kräisförmige Kweerschnitt oder ere kräisförmige Grundflechi e Radius, also au e Zylinder oder e Chäigel.

Beziehjige

Dr Radius r entspricht em halbe Durchmässer d.

$r={\frac {d}{2}}$.

Zum Kreisumfang U verhaltet sich dr Radius eso:

$r={\frac {U}{2\pi }}$.

Zur Kräisflechi A verhaltet sich dr Radius eso:

$r={\sqrt {\frac {A}{\pi }}}$.