D Rebecca Indermaur (* 1976 z Khuur[1]) isch e Schwyzer Schauspiileri.

Lääbe ändere

Si isch e Doochter vum Chinschtler Robert Indermaur (* 1947) un syre Frau Barbara. D Rebecca Indermaur isch mit zwee Brieder z Khuur ufgwagse. Iri Eltere hän 1974 s Theater Klibühni Schnidrzunft z Khuur grindet.[2]

No dr Schuel het d Rebecca Indermaur an dr Hochschuel fir Musik un Theater z Bärn studiert un derno au no anderi Wyterbildige fir Filmschaupiil gmacht.[3]

Mer chännt si syt ire Roll vu dr Theres im Kinofilm «Sennentuntschi» vu 2010. Derzue het si unter anderem in «Nebelgrind», «Der Goalie bin ig», «Heidi» un in Epidode vum «Tatort» gspiilt. Fir iri Hauptroll vu dr Mona im Fäärnseefilm Amur senza fin (2018), wu uf Romanisch draait isch, het si äxtra Romanisch gleert.[4]

D Rebecca Indermaur läbt mittlerwyli z Lübeck.

Filmografy ändere

  • Die Käserei in Goldingen (2010)
  • Sennentuntschi (2010)
  • Nebelgrind (2012)
  • Tatort – Skalpell (2012)
  • Der Goalie bin ig (2014)
  • Heidi (2015)
  • Rider Jack (2015)
  • Upload (2015)
  • Tatort – Freitod (2016)
  • Finsteres Glück (2016)
  • The Shed (2018)
  • Amur senza fin (2018)
  • Happy Birthday (2019)

Weblink ändere

Fueßnote ändere

  1. Mediemappe «Amur senza fin» use gee vu srf.ch
  2. Als Indermaurs Wohnung zum Kulturzentrum wurde Artikel in dr Südostschweiz vum 23. Septämber 2014
  3. Mediemappe «Upload» use gee vu srf.ch
  4. Bündnerin musste Rätoromanisch lernen: Knacknuss war die Aussprache Artikel im Blick vum 14. Oktober 2018