Robert Descharnes

Dr Robert Descharnes (* 1. Januar 1926 z Nevers, Frankriich; † 15. Februar 2014 im Département Indre-et-Loire) isch e Fotograf, Filmmacher vo dr Avantgarde und äine vo de wichdigste Biograafe vom Mooler Salvador Dalí.

Dr Descharnes het d Gala und dr Salvador Dalí 1950 uf em Passaschierschiff America uf ere Räis in d USA kennegleert. Es het sich en ängi Zämmenarbäit zwüsche em Dalí und em Descharnes entwicklet, bsundrigs im Beriich vom Film. 1954 häi si zämme dr Film Die ungewöhnliche Geschichte von der Spitzenklöpplerin und dem Rhinozeros, wo im Dalí sini Theorie über die logarithmischi Spiraale zum Inhalt ghaa het. Dr Descharnes isch en änge Fründ und Sekretäär vom Mooler worde und gältet as dr füerend Expärte vom Dalí sine Wärk.

Wo s in de 1980er Joor e Lawiine vo Felschige vom Dali sine Wärk gee het, het dr Dalí dr Descharnes 1986 zum Läiter vom Undernääme Demart gmacht, won er drmit sini Uurheeberrächt het welle schütze. Dr Descharnes het dä Boste bis zu siner Bangsionierig im Joor 2004 ghaa.

Litratuur

• Robert Descharnes & Gilles Néret: Salvador Dalí. 1904–1989. Benedikt Taschen Verlag 2005, ISBN 3-8228-1210-2. Sonderusgoob 2006 bi Taschen under dr ISBN 3-8228-5005-5

Weblingg

• Website Robert Descharnes mit zahlreichen Fotos aus dem Leben Dalís

Dä Artikel basiert uff ere fräie Übersetzig vu dere Version vum Artikel „Robert_Descharnes“ vu de dütsche Wikipedia. E Liste vu de Autore un Versione isch do z finde.