Rodelind
e Königin vo de Langobarde
D Rodelind isch e Königin vo de Langobarde im sächste Joorhundert gsi.
Si isch öppe 510 uf d Wält choo und isch scho jung d Frou vom König Audoin woorde, wo öppe i der Zyt vo 515 bis 560 gläbt het. Iire Soon isch der spööter Langobardekönig Alboin gsi. Zu säbere Zyt het s Volch vo de Langobarde no im Land a dr Donau gläbt.
Me weiss suscht fasch nüüt vo dr Rodelind iirem Lääbe; leider grad nume no, ass iire Maa, dr König Audoin, se spööter furtgjagt het, will er uf Wunsch vom römische Kaiser Justinian statt iire het welle e Tochter vom Herminfrid, em König vo de Tüüringer, hüroote.
Me taarf se nit verwächsle mit der Königin Rodelind vo de Langobarde us em sibete Joorhundert.