Rothuus Regio-Tuur

D Rothuus Regio-Tuur (dt. Rothaus Regio-Tour, bis 2001: Regio-Tour) isch e international Etapperänne in dr UCI-Kategori 2.1, wu alljohr im Augschte im Drejeckland Dytschland-Frankryych-Schwyz stattgfunde het.

Rothaus Regio-Tour
Uusdragigsland	Deutschland Dytschland
Uusdragigszytruum	Augschte
Ränntyp	Etapperänne
Erschti Uflag	1985
Erschte Siiger	Flagge Deutschlands Uli Rottler
Rekordsiiger	Flagge Frankreichs Laurent Brochard (2 Siig)

S Ränne isch anne 1985 z Gundelfinge bi Fryybeg vum Rudi Renz grindet wore. Syterhär het sich des fimfdägig Radränne zue eim vu dr hochklassige Mehdagesränne z Dytschland entwicklet un het 2009 zum 25. Mol stattgfunde. Draditionäll isch ei Etappe uf franzesischem Bode dur s Elsass uusdrait wore. D Tuur het alliwyl ufghert mit ere Etappe z Vogtsburg am Chaiserstuel.

D Rothuus Regio-Tuur isch vu 2005 bis 2008 Deil vu dr UCI Europe Tour gsi un ab 2006 isch si Deil vu dr neje Dytsche Meischterschaft (TUI-Cup) gsii.

Titelsponsor isch syt 2002 di Badisch Staatsbröuerej Rothuus gsii.

Anne 2009 het d Rothuus Regio-Tuur s erscht Mol as Junioreränne mit Nationalmannschafte vom 20. bis 23. Augschte stattgfunde. Statt dr Profi-Radsportler sin jetz di beschte 17 un 18 Johr alte Radsportler aadrätte un hän uf dr vier Etappe dur s Markgreflerland, s Elsass, am Hochryy lang un dur dr Chaiserstuel um Siig gchämpft. Au in dr Johr 2010 bis 2012 isch d Rothuus Regio-Tuur e Junioreränne gsi. No 2012 isch s Ränne yygstellt wore.

Bekannti Siiger sin dr Mario Cipollini (1987), dr Jan Ullrich (1996) un dr Alexander Winokurow (2004). Dr Laurent Brochard isch mit zwee Siig (1994, 2002) dr bishärig Rekordsiiger.

Siigerlischt

2012 Pjotr Havik 2011 Bradley Linfield 2010 Mario Vogt 2009 Ron Pfeifer 2008 Björn Schröder 2007 Moisés Dueñas 2006 Andreas Klöden 2005 Nico Sijmens 2004 Alexander Winokurow 2003 Wolodymyr Hustow

2002 Laurent Brochard 2001 Patrice Halgand 2000 Filippo Simeoni 1999 Grischa Niermann 1998 Mirko Celestino 1997 Wjatscheslaw Dschawanian 1996 Jan Ullrich 1995 Roberto Pistore 1994 Laurent Brochard

1993 Pascal Hervé 1992 Dainis Ozols 1991 Alexander Kastenhuber 1990 Alexander Chefer 1989 Falk Boden 1988 Wjatscheslaw Jekimow 1987 Mario Cipollini 1986 Flavio Vanzella 1985 Uli Rottler

Weblink

• Offiziälli Websyte

Dä Artikel basiert uff ere fräie Übersetzig vu dere Version vum Artikel „Rothaus_Regio-Tour“ vu de dütsche Wikipedia. E Liste vu de Autore un Versione isch do z finde.