Rudolf II. vu Hachberg-Suseberg

Dialäkt: Undermarkgreflerisch

Dr Rudolf II. vu Hachberg-Suseberg (* 1301; † 1352) isch vu 1318 bis 1352 Markgrof vu Hachberg-Suseberg, Herr vu Röttele un Landgrof im Bryysgau gsi.

Läbe

Dr Rudolf II. isch e Suhn vum Markgrof Rudolf I. vu Hachberg un dr Agnes vu Röttele gsi.

Wu syy Brueder Heinrich 1318 gstorben isch, het er zämme mit syym zweete Brueder Otto d Regäntschaft iber Herrschafte Röttele un Sueseberg ibernuu. D Residänz hän si vu dr Sueseburg uf d Burg Röttele verleit.

Im Spotjohr 1332 isch d Burg Röttele vu Druppe vu dr Stadt Basel belageret wore, wel ein vu dr beede Markgrofe vu Röttele dr Burgermeischter vu Basel verstoche gha het. D Burg isch aber nit eroberet wore, wel sich dr Adel vu Stadt un Land fir e Schlichtig yygsetzt gha het.

Eh un Chinder

Dr Rudolf II. het vor em 1. Novämber 1343 d Katharina vu Tierstein (21. Merz 1385) ghyrote, e Dochter vum Grof Waldemar II. vu Thierstein. Us däre Eh sin die Chinder fiirigange:

• Rudolf III. (*1343), Markgrof vu Hachberg-Suseberg
• Agnes, † um 2. Novämber 1405, ∞ Burkard Senn, Freiherr vu Buchegg († 23. Novämber 1375)

Literatur

• Detlev Schwennicke: Europaische Stammtafeln, Neue Folge, Band 1.2, Tafel 273. 1999. ISBN 978-3-465-03020-1
• Fritz Schülin: Rötteln-Haagen, Beiträge zur Orts-, Landschafts- und Siedlungsgeschichte, Lörrach 1965; S. 65.
• Karl Seith: Die Burg Rötteln im Wandel ihrer Herrengeschlechter, Ein Beitrag zur Geschichte und Baugeschichte der Burg, Sonderdruck herausgegeben vom Röttelbund e. V., Haagen, o.O.; O.J., S. 6; bei Schülin zitiert "In: Markgräflerland, Jg. 3, Heft 1, 1931".

Vorgänger Heinrich

Markgrof vu Hachberg-Suseberg zämme mit em Otto I. 1318–1352

Nochfolger Rudolf III.