Markgrofschaft Bade-Hachberg

Dialäkt: Undermarkgreflerisch

D Markgrofschaft Bade-Hachberg isch anne 1190 entstande, wu sich unter em Heinrich I. d Sytelinie vu dr Markgrofe vu Hachberg vu dr Markgrofschaft Bade abgspalte het. D Stammburg isch d Hochburg uf em Hachberg bi Ämmedinge gsi.

D Markgrofschaft Bade-Hachberg um 1400

D Hachberger Linie het sich im 13. Jahrhunderts gege d Kunkerränz vu dr Grofe vu Fryybeg im Ruum zwisch em Schwarzwald un em Ryy chenne behaupte.

1306 hän dr Heinrich III. (1290–1330) un dr Rudolf I. (1290–1313) ihre Erb deilt. Dr Heinrich het d Herrschaft iber Hachberg mit dr Stadt Ämmedinge iberchuu, dr Rudolf d Landgrofschaft Suseberg mit em neje Stammsitz, dr Suseburg un d Vogtei iber s Chloschter St. Bläsi un d Probschteie dodervu, Bürgle, Sitzechilch un Witenau, 1315 no erwyteret um d Herrschaft Röttle. Mit dr Herrschaft Badewyyler, wu 1444 no derzue chuu isch, sin d Herrschaft Suseberg un d Herrschaft Röttle zum Markgreflerland vereinigt wore.

Die Markgrafschaft Hachberg mit em Stammsitz Hochburg het s bis 1415 gee, wu dr Markgrof Otto II. vu Hachberg d Burg un d Herrschaft Hachberg an dr Markgrof Bernhard I. vu Bade verchauft het. Mit em Dod vum Otto II. anne 1418 isch d Linie Hachberg derno erlosche.

Vu 1584 bis 1590 het s nomol fir e churzi Zyt e Markgrofschaft Bade-Hachberg gee, wu dr Jakob III. us dr Linie Bade-Durlach s Biet ibernuu het.

Dr Philipp vu Hachberg-Suseberg het anne 1490 mit em Markgraf Christoph I. vu Bade e Erbvertrag gschlosse, s „Röttelsche Gemächte“. Noch em Dod vum Philipp anne 1503 isch s Markgreflerland, wu us dr Vereinigung vu Suseberg, Röttle un Badewyyler gschaffe woren isch, an d Markgrofschaft Bade chuu.

Markgrofe vu Hachberg un Hachberg-Suseberg ändere

Hachberg ändere

Hachberg-Suseberg ändere