Heinrich III. vu Bade-Hachberg

Dialäkt: Undermarkgreflerisch

Dr Markgrof Heinrich III. vu Bade-Hachberg († zwische 4. Jänner 1327 un 19. April 1330) isch vu 1290 bis 1330 regierede Markgrof vu Hachberg un Landgrof vum Bryysgau gsi.

Läbe

Dr Heinrich isch e Suhn vum Markgrof Heinrich II. vu Bade-Hachberg un dr Anna vu Üsenberg-Kenzingen gsi.

1306 hän dr Heinrich III. un syy Brueder Rudolf I. († 1313) ihre Erb deilt. Dr Heinrich het d Herrschaft iber Hachberg mit dr Stadt Ämmedinge un em Stammsitz Hochburg iberchuu, dr Rudolf d Landgrofschaft Suseberg mit em neje Stammsitz Suseburg un d Vogtei iber s Chloschter St. Bläsi un d Probschteie dodervu, Bürgle, Sitzechilch un Witenau.

Eh un Chinder

Dr Heinrich III. het vor em 12. Februar 1307 d Agnes vu Hohenberg (+9.4.1310) ghyrote, e Dochter vum Grof Ulrich vu Hohenberg. Us däre Eh sin die Chinder fiirigange:

• Heinrich IV., Markgrof vu Hachberg, Landgrof im Bryysgau, † noch em 08. Novämber 1370
• Rudolf, † 16. Mai 1343
• Hermann, Johannitermeischter, † 25. April 1356

Literatur

• Detlev Schwennicke, Europaische Stammtafeln, Neue Folge, Band 1.2, Tafel 273. 1999. ISBN 978-3-465-03020-1

Vorgänger Heinrich II.

Markgrof vu Bade-Hachberg 1290–1330

Nochfolger Heinrich IV.