Àm Bollwark (Mìlhüüsa)
Àm Bollwark (offiziäll ìm zwaischproochiga Schtroossaschìld àm Bollwark;[1] uff Frànzeesch Rue Louis-Pasteur) ìsch a Schtrooss z’ Mìlhüüsa. Sa làuift vum Junga Toor bis àns Bààsler Toor ìm Mìlhüüser Schtàdtzäntrum.
| Dialäkt: Mìlhüüserdiitsch |
wu ’s lììgt
ändereD’ Schtrooss lììgt vollschtandig ìm Mìlhüüser Schtàdtzäntrum. Sa fàngt àm Junga Toor àà, grààd vor àm Iikàuifszäntrum Porte Jeune — doo ìsch d’ neerdliga Granz vum Schtàdtzäntrum. D’rnooh fàhrt sa uff äbba 420 Meeter süüdäschtlig bis àns Bààsler Toor, àn dr äschtliga Granz vum Schtàdtzäntrum. Vu doo har wìrd sa vu dr Bààslerschtrooss verlängert.
Àm Bollwark trìfft mehrera Schtroossa: z’äärscht d’ Mììhlagass, witterscht d’ Ziagelgass, d’ Rue de la Meurthe un s’ Schìndergassla. Witterscht ìsch a Kriizung mìt dr Modemer Schtrooss un dr Zäntrààldurchgàng, wu àui dr Mìlhüüser Tràm fàhrt. Àn dara Kriizung ìsch dr Hôtel Salvator z’ fìnda.[2] A pààr Meeter witterscht ìsch a Kriizung mìt dr Kìrchhofschtrooss, un noch witterscht ìsch s’ And àm Bààsler Toor.
Gschìcht
ändere
D’ Schtrooss ìsch àm 20. Oktoower 1926 gäffnet worra. Schu doo ìsch sa uff Frànzeesch Rue Louis-Pasteur gnännt worra, noh-n-em Wìssaschàftler Louis Pasteur — dr Pasteur hàt ànna 1885 siina Ìmpfung uff a elsassisch Kìnd loo prowiara, dàs hàt’s vu dr Tollwüat grätta. Z’ Mìlhüüsa-n-ìsch zwìscha 1920 un 1926 a àndra Schtrooss noh-n-em Louis Pasteur gnännt gsìì — ’s ìsch d’ hìttiga Rue du Bramont ìm Viartel Rabbarg. Z’ Burzwiller ìsch àui zwìscha 1945 un 1947 a Rue Louis-Pasteur gsìì, wo hìtt Rue de Bollwiller haisst.
Noh-n-em Ààschluss vum Elsàss-Lothrìnga àns Drìtta Raich ìsch d’ Schtrooss ànna 1940 ìn Mozart Strasse umtaift worra. Ànna 1943 hàt sa dr Nàmma Am Bollwerk ìwwernumma. Noh da àmerikànischa Bùmbàrdiarunga-n-ìm Joohr 1944 ìsch d’ Schtrooss wììder uffbàuia worra. D’rnooh sìnn bis hìtta kää groossa Veranderung àn dr Schtrooss gsìì.
Lìteràtüür
ändere- Rue Louis Pasteur. In: Conseil Consultatif du Patrimoine Mulhousien, Société d’ Histoire et de Géographie de Mulhouse (Hrsg.): Les rues de Mulhouse : Histoire et Patrimoine. JdM Éditions, Mìlhüüsa 2009, ISBN 2-915836-67-1, S. 420–421 (französisch, Erstausgabe: 2007).
Weblìnks
ändere
Commons: Àm Bollwark – Sammlig vo MultimediadateieAinzelnoohwiisa
ändere- ↑ Pasteur (rue) / àm Bollwark. In: Zweisprochiga Strossaschìlder ìn Mìlhüsa. 23. August 2016, abgruefen am 15. Januar 2023 (französisch).
- ↑ François Fuchs: Mulhouse : un nouveau propriétaire et un nouveau réseau pour l’hôtel Salvator. In: L’Alsace. 15. April 2022, abgruefen am 15. Januar 2023 (französisch): „L’hôtel Salvator , qui fait l’angle entre le passage Central et la rue Louis-Pasteur, à Mulhouse (...)“
Koordinate: 47° 44′ 53,1″ N, 7° 20′ 29,9″ O