Kloschtergàss (Mìlhüüsa)
D’ Kloschtergàss (offiziäll ìm zwaischproochiga Schtroossaschìld Klostergass; uff Frànzeesch rue du Couvent)[1] ìsch a Schtrooss ìm Schtàdtzäntrum vu Mìlhüüsa.
| Dialäkt: Mìlhüüserdiitsch |
wu sa lììgt ändere
D’ Kloschtergàss làuift uff äbba 170 Meeter[2] zwìscha dr Schmììdgàss un Uff’m Grààwa. Grààd biim Ààfàng àn dr Schmììdgàss trìfft sa d’ Sàckgàssa vum Müassbrunnergassla; äbba 50 Meeter witterscht ìsch d’ Kriizung vu dr Bàrfüassergàss hìnter àn dr Màriakìrìch, un d’rnooh làuift sa bis Uff’m Grààwa àn dr neerdliga Granz vum Mìlhüüser Schtàdtzäntrum.
Gschìcht ändere
Uff’m Schtàdtplàn vum Merian ànna 1642 hàt dr Schtroossatail süüdlig vu dr Màriakìrìch züa dr Bàrfüassergàss gheert. Ànna 1797 ìsch daa Tail àls Sutten Gasse bekànnt gsìì. Uff’m Hofer siim Plàn vu 1830 wìrd’r unter’m frànzeescha Nàmma Rue des Champs-Élysées ärwäähnt. Àn dr Zitt vum Raichslànd Elsàss-Lothrìnga ànna 1872 ìsch’r ìn Barfüsser Strasse umtaift worra.
Dr neerdliga Tail ìsch sallamols a Waagla gsìì zwìschem frànsiskànischa Kloschter un em Hoof vu dr Fàmìlia ze Rhiin. Ìm 16. Joohrhundert hàt maa dr Grààwa zwìschem Kloschter un em Hoof uffgfìllt; domìt ìsch s’ Waagla-n-a Sàckgàssa worra, wo bis àn d’ Schtàdtmüüra gloffa hàt. D’ Sàckgàssa hann m’r ànna 1815 unter’m Nàmma Im Kloster kännt. Uff’m Plàn vum Hofer (1830) ìsch sa uff Frànzeesch rue du Cloître gnännt worra — dàs bediitet aifàch „Kloschtergàss“. Dur a Verordnung vum Mìlhüüser Gmaindaroot àm 11. Nowamber 1843 hàt sa offiziäll ìhra Nàmma-n-uff Frànzeesch bikumma: rue du Temple, àlso „Tampelgàss“, wial maa ìn dr Màriakìrìch zwìscha 1661 un 1812 s’ protäschtàntischa Gottesdianscht gfiirt hàt. Ànna 1846 ìsch a Verbìndung züa Uff’m Grààwa gäffnet worra. Ànna 1905 hann m’r d’ baida Schtroossatailer unter’m Nàmma Kloster Gasse zammagschlossa. Noh-n-em And vum Äärschta Waltkriag ìsch d’ Schtrooss nochamol ìn Rue du Couvent umtaift worra. Àn dr Zitt vum Drìtta Raich hàt sa àb’m 16. Àuigscht 1940 Kloster Strasse ghaissa, un Kloster Gasse àb’m 27. Septamber 1941. Noh dr Befräijung vu Mìlhüüsa-n-àm Andsjoohr 1944 ìsch dr frànzeescha Nàmma wììder z’ruckkumma.
Lìteràtüür ändere
- Rue du Couvent. In: Conseil Consultatif du Patrimoine Mulhousien, Société d’Histoire et de Géographie de Mulhouse (Hrsg.): Les rues de Mulhouse : Histoire et Patrimoine. JdM Éditions, Mìlhüüsa 2009, ISBN 2-915836-67-1, S. 156–157 (französisch, Erstausgabe: 2007).
Weblìnks ändere
Commons: Kloschtergàss (Mìlhüüsa) – Sammlig vo MultimediadateieAinzelnoohwiisa ändere
- ↑ Couvent (rue du) / Klostergass. In: Zweisprochiga Strossaschìlder ìn Mìlhüsa. 23. August 2016, abgruefen am 2. Februar 2023 (französisch).
- ↑ Gmässt mìt’m Google Maps
Koordinate: 47° 44′ 54,1″ N, 7° 20′ 9,3″ O