Hauptmenü ufmache
Dialäkt: Baseldütsch

Dr Rugby Football Club Basel (RFCB) isch e Baasler Rugby Klub für Amatöör. Sit dr 2012/13 Säsoo spiilt die erst Mannschaft vom RFCB in dr Nazionalliga A.[1]

GschichtBearbeite

Dr Rugby Football Club Basel isch 1974 gründet worde und im Joor druf Mitgliid vo dr Fédération Suisse de Rugby worde. In de erste Joor si die mäiste Spiiler Usländer gsi, sit de 1980er Joor git s aber immer mee Schwizer au in dr erste Mannschaft. Dr Klub het e starks Noochwuggsbrogramm und het immer wider Spiiler in d Nazionalmannschaft gschiggt.

Dr RFCB het uf alle mööglige Blätz gspiilt, uf dr Bruntrutermatte, z Gläihünige und im Bräiti Kwardier bis er 1982 in s Joggeli züüglet isch. Sit 2007 isch d Bruntrutermatte wider si Häimblatz.

D 1974er Duur vo de Baasler dur Frankriich isch rekordverdächdig: si häi 127-0 gege Grenoble verloore, 104-3 gege Thonon und 116-0 gege Annecy.[2]

FuessnooteBearbeite

  1. Swiss Rugby Union Website Archivlink (Memento vom 23. Novämber 2013 im Internet Archive), abgrüeft am 8. Dezämber 2013
  2. Cotton, Fran (Ed.) (1984) The Book of Rugby Disasters & Bizarre Records. Compiled by Chris Rhys. London. Century Publishing. ISBN 0-7126-0911-3, S. 47

KwelleBearbeite