Pruntrutermatte

D Pruntrutermatte isch e Park- und Sportaalaag in dr schwizerische Stadt Basel.

D Bruntrutermatte

Dialäkt: Baseldütsch

Laag

D Aalaag befindet sich im Stadtdäil Gundeldinge uf eme Hüügel. Im Süüde isch s Doorebachwiadukt und dr Margarethehüügel. Im Weste befindet sich am andere Ufer vom Birsig dr Basler Zolli. Dr Naame vo dr Matte chunnt vo dr Pruntruterstrooss, wo östlig von ere isch und wo uf Pruntrut goot, em Hauptort vo dr Region Elsgau im Kanton Jura. Die Strooss isch 1877 am westlige Rand vom nöije Gundeldinger Kwardier baut worde. Offiziell häisst d Pruntrutermatte erst sit 1990 eso.

Nutzig

D Aalaag isch 1892 und 1901 dr Schaublatz vo de bäide Basler Festspiill vom Hans Hueber gsi. Zur Erinnerig an en het 1930 die nöiji Strooss nääbedraa dr Naame Hans Hueber-Strooss überchoo. In jüngerer Zit isch dr Blatz vor allem für Sportaaläss brucht worde: Vo 1975 bis 1982 und wider sit 2007 isch d Pruntrutermatte d Häimstett vom Rugby Football Club Basel. Au d Schwizer Rugby-Union-Nazionalmannschaft spiilt do reegelmäässig Länderspiil. Au dr American Football-Veräin Basel Meanmachine, wo 2008 gründet worde isch, spiilt sini Häimspiil uf dr Pruntrutermatte, sit d Gladiators beider Basel in dr Rankhof umzooge si.

D Pruntrutermatte het no e Spiilblatz und e Joggingbaan und wird für verschiideni Brivataaläss und Fuessball-Grümpeldurnier brucht, zum Bischbil für s Basler Kulturgrümpeli, wo sit 2006 jeedes Joor im Herbst stattfindet.

Weblingg

• Über d Pruntrutermatte bim Erziehungsdepartemänt vo Basel-Stadt (Site cha nüme abgrüeft wärde; Suche im Webarchiv)[1] [2] Vorlage:Toter Link/www.ed-bs.ch

Dä Artikel basiert uff ere fräie Übersetzig vum Artikel „Pruntrutermatte“ vu de dütsche Wikipedia. E Liste vu de Autore un Versione isch do z finde.

47.5445833333337.5800555555556