Ruine Alt-Biederthal

Ruine Alt-Biederthal
	Dr Felse, wo d Burg druf gstande isch Dr Felse, wo d Burg druf gstande isch
Entstehigsziit:	12. Joorhundert
Burgetyp:	Höchiburg
Erhaltigszuestand:	Ruine
Ort:	Burg im Läimedaal
Geografischi Lag:	47° 27′ 22″ N, 7° 26′ 9″ OKoordinate: 47° 27′ 22″ N, 7° 26′ 9″ O; CH1903: 599790 / 256148
	Ruine Alt-Biederthal (Schweiz) Ruine Alt-Biederthal
	Ruine Alt-Biederthal (Schweiz) Ruine Alt-Biederthal

D Ruine Alt-Biiderdaal befindet sich in dr schwizerische Gmäind Burg im Läimedaal.

Dialäkt: Baseldütsch

D Laag

D Ruine befindet sich uf eme Felschopf am westlige Ändi vom Felsgroot Schönebärg. Gege Süüde het s e stotzige Felsabsturz, uf de übrige Siite isch e diefe Graabe, wo us em Fels ghaue isch.

Gschicht

D Burgaalaag isch vermuetlig en eltere Sitz vo de Herre vo Biiderdaal, wo ihre Naame vom Dorf Biiderdaal gnoo hai. Biiderdaal isch hüte in Frankriich und isch anderthalb Kilometer vo dr Burg ewäg. In de Urkunde wird d Familie zum erste Mol im Joor 1141 erwähnt. Um 1168 isch d Familie us umbekannte Gründ däilwiis entäignet worde und dr Käiser Friedrich I. Barbarossa het ihri Burg de Groofe vo Habsburg gee.

Vo de Herre vo Biiderdaal stamme d Familie vo Ratolsdorf, vo Rotbärg und vo Blauestäi ab.

D Burg isch no im 13. Joorhundert ufgee worde und d Stäi het mä vermeutlig brucht, für zum die bäide andere Burge uf däm Felsgroot baue, d Biiderdaal und d Schöönebärg.

D Aalaag

Es isch e chliini Burg gsi vo öbbe 20 uf 10 Meter. Hürzudags findet mä nume no e baar Spuure vo de Muure am Südwest-Rand vom Blatoo.

Litratur

Werner Meyer: Burgen von A bis Z: Burgenlexikon der Region. Druck und Verlag, Basel 1981

Dä Artikel basiert uff ere fräie Übersetzig vum Artikel „Ruine_Alt-Biederthal“ vu de dütsche Wikipedia. E Liste vu de Autore un Versione isch do z finde.