SLM Re 456
D SLM Re 456 isch ä Umrichter-Universalloggi vu d'r Schwiizerische Loggi- und Maschinefabrigg in Winterthur. Si isch für Privatbahne vum 1987 bis im 1993 buut wordä; d' Abnähmer sind d' Bodäsee-Toggäburg-Bahn, d' Sihltal-Züri-Üetliberg-Bahn und speeter au d' Gruppe um d' Ämmital-Burgdorf-Thun-Bahn. D'r Bund het diä Loggi mitfinanziert, s' Bundesamt für Verchehr het aber d' Bedingig gschtellt, ass diä Loggi au uf andere normalspurige Privatbahne mues iisetzbar sii.
 BT Re 4/4 96 | |
| Betriib | |
|---|---|
| Baujahr | 1987, 1993 |
| Betriibsnummere | verschideni |
| Stuckzahl | 14 |
| Yysatzgebiet | Universallokomotive |
| Technischi Date | |
| Fahrzügtyp | elektrischi Lokomotive in Umrichtertechnik |
| Hersteller | SLM Winterthur BBC Baden / ABB Zürich |
| Achsfolg | Bo'Bo' |
| Höchschtgschwindigkeit | 130 km/h |
| Leischtig | 3200 kW |
| Stundenzugchraft | k. A. kN |
| Aafahrzugchraft | 240 kN |
| Masse un Gwicht | |
| Längi über Puffer | 16'600 mm |
| Breiti | SBB Profil |
| Höchi | SBB Profil |
| Gwicht | 68–69 t |
D' Südoschtbahn, wu hüt au d' Ysebahnlinie vu d'r ehemalige Bodäsee-Toggeburg-Bahn umfasst, bruucht ihri 456er vorwiägend für ä Voralpä-n-Experess, während d' Sihltal-Züri-Üetliberg-Bahn ihri Loggene uf d'r Sihltalliniä für d' S-Bahn-Liniä „S4“ bruucht. Det sind's nüd z' verwächsle mit de zwii ehemalige SBB Re 450, wu hüt derä Privatbahn gchöred und ebäfalls als Re 456 bezäichnet wärdet. Beedes sind viärachsigi Loggtüpe uhni Laufachse.
D' Ammital-Burgdorf-Thun-Bahn, wu hüt zum Beriich vu d'r BLS AG gchört, het ihre Güeterverchehr uusglidered, mit 're Gsellschaft mit em Name „Crossrail“. Da aber di beide Loggine net a Crossrail abgäh worde si, u au sälber ke Bedaf da gsi isch, het mä beidä a SOB vermietet.
D' Re 456 isch nüd z' verwächsle mit de zwii ehemalige SBB Re 450 vu de Schwiizerische Bundesbahne, wu ietz d'r Sihltal-Züri-Uetlibergbahn gchöred.