Sabine Wölfle

dytschi Bolitikeri
Dialäkt: Undermarkgreflerisch

D Sabine Wölfle (* 21. Juni 1959 z Wuppertal as Sabine Göbler) isch e dytschi Bolitikeri (SPD) un syt 2011 Mitglid vum Landdag vu Bade-Wirttebärg.

d Sabine Wölfle MdL

LääbeBearbeite

D Wölfle isch z Wuppertal uf d Schuel gange un het derno ab 1975 Raiseverchehrschauffrau glehrt. Si het e baar Johr lang im Beruef gschafft, bi Raiseveraastalter un Fluggsellschafte. Vu 2009 bis 2011 isch si Prässereferänti vu dr SPD-Landdagsabgordnete Marianne Wonnay gsii.

Syter 1978 läbt d Wölfle im Landchrais Ämmedinge. Si isch ghyrote un het zwai Chinder.

BolitikBearbeite

Anne 1986 isch d Wölfle in d SPD yydrätte. Vu 2004 bis 2012 isch si Ortsverainsvorsitzeri vu dr SPD z Waldkilch gsii un vu 2006 bis 2015 stellverdrättendi Chraisvorsitzeri vum Chraisverband Ämmedinge. Vu 2007 bis 2015 het si em Landesvorstand vu dr SPD Bade-Wirttebärg aaghert. Bi dr Kommunalwahl 2009 isch si in Gmairoot vu Waldkilch gwehlt wore, s Amt as Gmaireeti het si 2017 us zytlige Grind niderglait, si het derzue gsait: „Es wäre den Bürgern gegenüber nicht fair, wenn ich nicht an den Sitzungen des Gemeinderates und der Ausschüsse teilnehmen kann“.[1]

Bi dr Landdagswahl 2011 isch si iber e Zwaitmandat im Wahlchrais Ämmedinge in Landdag gwehlt wore. Au bi dr Landdagswahl 2016 het si wider e Zwaitmandat iberchuu,

Im Landag isch si Mitglid im Bresidium, im Uusschuss fir Europa und Internationales un im Uusschuss fir Soziales und Integration. Stellverdrättend Mitglid isch si im Uusschuss fir Finanze, im Uusschuss fir Inners, Digitalisierig un Migration, im Uusschuss fir Ländlige Ruum un Verbruucherschutz, im Uusschuss fir Verchehr, im Uusschuss fir Wirtschaft, Arbet un Wohnigsböu, im Uusschuss fir Wisseschaft, Forschig un Chunscht un Uusschuss no Artikel 62 vu dr Verfassig (Notbarlemänt).

Im Mai 2016 isch si zur stellverdrättende Vorsitzeri vu dr SPD-Landdagsfraktion gwehlt un 2018 in ihrem Amt bstetigt wore.[2]

Si isch Sprächeri vu ihre Bartei fir Sozialbolitik, fir Uusländer-, Migrations- un Integrationsbolitik, fir Fraue- un Glychstelligsbolitik, fir Inklusion un Mänsche mit Behinderig un fir Turismusbolitik. Derzue isch si Vorsitzeri vum Arbetschrais Sozials vu dr SPD-Landdagsfraktion

Sunschtigs EngaschmäntBearbeite

D Wölfle isch Mitglid in:

  • Naturschutzbund Deutschland e. V.
  • Landesarbeitsgemeinschaft Selbsthilfe behinderter Menschen Baden-Württemberg e. V.
  • Förderverein Elztalmuseum e. V.
  • Europa-Union Deutschland e. V.
  • Förderverein Zukunftsenergien Solarregio Kaiserstuhl e. V.
  • Rüstungsinformationsbüro e. V.
  • Arbeiterwohlfahrt, Ortsverein Waldkirch e. V.
  • Familienzentrum Rotes Haus, Waldkirch
  • Emmendinger & Waldkircher Tafel e. V.
  • Aktion Jugendzentrum Wyhl e. V.
  • Deutscher Kinderschutzbund e. V.
  • Arbeiter-Samariter-Bund Deutschland e. V., syt 2014 Landesvorsitzeri z Bade-Wirttebärg
  • Gegen Vergessen und für Demokratie e. V.
  • Verein zur Förderung Sehbehinderter e. V., syt 2017 Vorsitzeri
  • SISTERS - für den Ausstieg aus der Prostitution e. V.

LiteraturBearbeite

  • Ina Hochreuther: Frauen im Parlament. Südwestdeutsche Parlamentarierinnen von 1919 bis heute. Stuttgart 2012, ISBN 978-3-923476-16-9, S. 272 f.

WeblinkBearbeite

  Commons: Category: – Album mit Multimediadateie

FueßnoteBearbeite

  1. Sylvia Sredniawa: Sabine Wölfle verlässt Rat und konzentriert sich auf Landespolitik. In: Badische Zeitung. 26. Juli 2017 (badische-zeitung.de [abgerufen am 4. Oktober 2018]).
  2. Andreas Stoch und seine Stellvertreter im Amt bestätigt. Pressemitteilung. SPD-Landtagsfraktion Baden-Württemberg, 11. September 2018, abgruefen am 4. Oktober 2018.