Sandra Detzer

Dialäkt: Undermarkgreflerisch

D Sandra Detzer (* 21. April 1980 z Minche) isch e dytschi Bolitikeri (Bindnis 90/Di Griene. Syt Novämber 2016 isch si Landesvoorsitzeri vu dr Griene z Baade-Wiirtebäärg.

d Sandra Detzer (2016)

Lääbe

D Detzer het an dr Ludwig-Maximilians-Universiteet z Minche Bolitikwisseschaft un Volkswirtschaftsleer studiert. An dr Universiteet Haidelberch het si zum Theema fiskaalischi Dezäntralisierig in Bundesstaate promoviert. Im Aaschluss het si as wisseschaftligi Mitarbaiteri am Lehrstuel vum Uwe Wagschal zue Budgetkonsolidierig gschafft. In dr Bolitik het d Detzer zeerscht fir dr Uusschuss vu dr Regioone im Staab vum Generaalsekreteer z Brüssel gschafft, voreb si as Huushaltsreferänti fir di Grien Bundesdaagsfrakzoon z Berlin aafange het schaffe. Vu 2011 bis zue ire Waal zur Landesvorsitzeri het d Detzer as barlemäntaarischi Berooteri fir Finanze un Wiirtschaft z Stuegert gschafft.

Anne 2014 isch d Detzer in Gmairoot vu dr Stadt Haidelberch gweelt woore. Bi dr Euroopaweel 2014 het si uf Blatz 19 vu dr griene Lischt fir s Europäisch Barlemänt kandidiert.

Am 19. Novämber 2016 isch si mit 73,8 % vu dr Stimme uf em Barteidaag z Gmẽẽd zur Landesvorsitzeri vu dr Griene z Baade-Wiirtebäärg gweelt woore, zwai Joor speeter, uf em Barteidaag am 21. Septämber 2019, isch si mit 90,9 % vu dr Stimme bsteetigt woore.

Weblink

• Landesvorstand Grüne BW
• Sandra Detzer will Grünenchefin werden, Stuttgarter Zeitung, 5. Septämber 2016

Fueßnote

Dä Artikel basiert uff ere fräie Übersetzig vu dere Version vum Artikel „Sandra_Detzer“ vu de dütsche Wikipedia. E Liste vu de Autore un Versione isch do z finde.