Sauhund

Sauhund isch e Hunderasse und e gängigi Beleidigung im allemanische Sprachruum und bedütet öbbe en gruusige oder gemeine Kärli.

S Wort Sauhund setzt sich zämme us „Sau“ und „Hund“ und bezeichnet ä Hunderasse, wo hüfig zum Wildsaujage bruucht worde isch.

Öb s Schimpfwort vom Name vo dr Hunderasse härchunnt, ob s sich villicht au vom hochdytsche "Schweinehund", was etwa s glyche bedytet, herleitet oder öb s Wort „Sau“ em „Hund“ as Verstärkig voragstellt worde isch, wie das au bi andere Schimpfwörter nit sälte gmacht wird, z. B. «Säuniggel-Sauigel», «Saukärli», odr aber bi gwöhnlige Wörter wie «Sauhitz», isch ungwüss.

Metaffer

De inneri Sauhund wird als Metaffere bruucht, zum öpis z beschriibe, wo en Mensch innerlich hindered, öpis z mache, woner eigentlich sött mache. Schafft ers dänn trotzdem, so seit me; er hät de inneri Sauhund überwunde.