Hauptmenü ufmache
S Schloss Forstegg um 1630

D Herrschaft Sax-Forstegg isch e historischs Territorium im Sanggaller Rhiidaal gsi, wo vom 14. Joorhundert bis 1798 bestande het. Dr Name chunnt vo de Freihere vo Sax und dr Burg Forstegg. Si het die hütigi Gmäind Sennwald und dr Wiiler Lienz in dr Gmäind Altstette umfasst.

D Herschaft Sax-Forstegg isch entstande, wo die alt Herrschaft Sax in d Täil Hoochesax (Gams) und Früschebärg ufdäilt worde isch. Ursprünglig si nume d Dörfer Salez und Haag Däil vo dr Herschaft gsi, erst 1396 isch au Sennwald drzue choo. D Freihere vo Sax-Forstegg häi 1458 e Bündnis mit dr Alte Äidgenosseschaft gschlosse und si 1463 Bürger vo Sanggalle, 1486 au vo Züüri worde. Dr Ulrich VII. vo Sax isch im Schwoobechrieg en erfolgriiche General uf dr Site vo dr Äidgenosseschaft gsi und het vo dere 1490 Früschebärg und Lienz gschänggt überchoo. Wil d Herschaft eso äng mit Züüri verbunde gsi isch, isch au do d Reformazioon iigfüert worde und het sich 1553 ändgültig duregsetzt. 1615 het d Stadt Züüri d Herschaft kauft und sä bis 1798 as üsseri Vogtei verwaltet.

1625 het Züüri d Burg Forstegg in e Landvogteischloss mit Züüghuus lo umbaue. Noch em Ändi vo dr Alte Äidgenosseschaft isch d Herschaft Sax-Forstegg zerst zum Kanton Linth cho und denn 1803 zum Kanton Sanggalle.

D Burg Forstegg z Sennwald
Information icon.svg Dä Artikel basiert uff ere fräie Übersetzig vu dere Version vum Artikel „Sax-Forstegg“ vu de dütsche Wikipedia.

E Liste vu de Autore un Versione isch do z finde.