Hauptmenü ufmache

D Schlacht bi Aigospotamoi (griechisch Gäisseflüss) het im Septämber 405 v. d. Z. gege s Ändi vom Peloponnesische Chrieg stattgfunde und het Athen iiri ganzi Flotte kostet.

Schlacht bi Aigospotamoi
Deil vo: Peloponnesische Chrieg
Trireme.jpg
Griechischi Triere
Datum 405 v. d. Z.
Ort Hellespont, hüte Türkei
Usgang entschäidende Siig vo Sparta
Folge D Kapitulazioon vo Athen und s Ändi vom Peloponnesische Chrieg
Konfliktparteie
Sparta Athen
Befählshaber
Lysander,
Eteonikos, Thorax, Theopompos (?),
Gylippos (?)
Philokles, Konon, Tydeus, Adeimantos, Menandros, Kephisodotos,
Eryximachos (?)
Truppesterki
öbbe 160 Schiff (?), Landarmee 180 Schiff
Verlust
minimal 170 Schiffe,
Duusgi vo Seelüt

D SchlachtBearbeite

Dr spartanisch Admiral Lysander het die athenischi Flotte überrascht, wo si am ene ungschützte Strand bi Aigospotamoi glääge isch und vili vo de Ruederer und Soldate an Land noch Ässe gsuecht häi.D Spartaner häi die halb bemannte athenische Triere ooni vil Brobleem chönne eroobere.[1] Dr Lysander het au 3000 Athener an Land ufgriffe und nume nüün athenische Triere under em Konon häi sich chönne zruggzie.[2] Dr Konon het s vorzooge nid sälber uf Athen zruggzgoo und isch uf Züpere gflüchdet.[3]

 
Lysander (Münzporträt 16. Jhdt.)

Noch dr Schlacht het dr Lysander e Gricht vo de Verbündete iiberüft, wo gfunde het, ass d Athener Verbräche begange häige und die athenische Stratege und die gfangene attische Bürger zum Dood verurdäilt het. So wie s dr Xenophon daarstellt, isch das woorschinlig s erste Dribunal gegen e besigt Find wäge dr Verletzig vom Völkerrächt und wäge Verbräche gege d Menschligkäit in dr Gschicht gsi.

D FolgeBearbeite

D Seemacht vo Athen isch in dere Schlacht vollständig vernichdet worde, und wo dr Lysander mit sinere Flotte dr Piraeus blockiert het, isch s Attische Riich verloore gsi, d Stadt het sich nüme chönne verdäidige und het bedingungslos kapituliert. Das isch s Ändi vom Peloponnesische Chrieg gsi.

LitratuurBearbeite

  • Reyhan Körpe & Mehmet Fatih Yavuz, The Location of Aigospotamoi, in: Cigdem Ozkan Aygun (Hg.), SOMA 2007. Proceedings of the XI Symposium on Mediterranean Archaeology, Istanbul Technical University, 24 and 29 April 2007, Oxford 2009, S. 226-227.

WeblinggBearbeite

  • Jona Lendering: Artikel. In: Livius.org (änglisch)

FuessnooteBearbeite

  1. Xenophon, Hellenika 2, 1, 27–28; Diodor, Bibliothek 13, 105-106; Plutarch, Lysander 11.
  2. Plutarch, Lysander 13; Xenophon, Hellenika 2, 1, 28 u. 2, 2, 5.
  3. Xenophon, Hellenika 2, 1, 29.