Schloss Merzhuuse

S alt Schloss Merzhuuse, friejer au Bollschwyler Schloss gnännt, isch en ehmolig Wasserschloss in dr Gmai Merzhuuse bi Fryburg. Mer derf s nit verwächsle mit em Jesuiteschloss (Tusculum Belmontanium), eme Ritterguet, wu am Schymberg iber Merzhuuse lyt.

Schloss Merzhuuse
Alternativnäme:	Alt Schloss Merzhuuse, Bollschwyler Schloss
Entstehigsziit:	16. Johrhundert
Burgetyp:	Wasserburg
Erhaltigszuestand:	Herrehuus erhalte
Ständischi Stellig:	Freiherre vu Schnewlin, vu Bollschwyl, vu Schaueburg
Ort:	Merzhuuse
Geografischi Lag:	47° 57′ 54,9″ N, 7° 49′ 44,8″ O47.9652618924347.829113304615
Schloss Merzhausen (Baden-Württemberg) Schloss Merzhausen

Gschicht

An dr Stell vum alte Schloss Merzhuuse soll emol Bitzehof gstande syy. S Gebei, wu s hite git un wu allwäg um 1593 böue woren isch, isch e langlächt massiv Staihuus mit zwee Stapflegiibel un em Fachwärchufböu. Diräökt dernäbe het s friejer s Danckenschweilisch Hauss gee, au Dankenschweiler Schloss oder Dankenschweiler Hof gnännt. Dodervu isch aber nyt erhalte.

Näb em Gschläächt vu dr Reischach sin d Schnewlin wichtig gsii fir d Gschicht vum Dorf. Anne 1635 het d Magdalena vu Bollschwyl di gsamt Herrschaft an d Jesuite vermacht. Wu dr Orde am 21. Augschte 1773 ufghobe woren isch, hän d Schnewlin Bernlapp vu Bollschwyl zerscht Herrschaft Merzhuuse paachtet un hän si schließlig am 18. Septämber 1776 gchauft. Derno het mer s Gebei wider Bollschwyler Schloss gnännt. Mit em Baron Xaver vu Bollschwyl isch anne 1838 die Linie vu dr Schnewlin uusgstorbe. S Guet un d Herrschaft sin derno an d Schaueburger verchauft wore..

Literatur

• Eduard Schuster: Die Burgen und Schlösser Badens. 1908, S. 212.

Weblink

 Commons: Schloss Merzhausen – Sammlig vo Multimediadateie

Fueßnote

Dä Artikel basiert uff ere fräie Übersetzig vu dere Version vum Artikel „Schloss_Merzhausen“ vu de dütsche Wikipedia. E Liste vu de Autore un Versione isch do z finde.