Schola Cantorum Basiliensis
D Schola Cantorum Basiliensis isch e Muusighoochschuel z Baasel und as Hoochschuel für Alti Muusig Däil vo dr Fachhoochschuel Nordwestschwiz. Si isch an dr Lienerdstrooss 6 z Baasel dehäi.
.JPG)
| Dialäkt: Baseldütsch |
D Schuel
ändereAn dr Schuel studiere öbbe zwäihundert Lüt us vile verschidnige Länder in zwäi Abdäilige, Middelalter/Rönessans und Rönessans/Barock/Klassik, wo d Muusig vom 9. bis zum 16., respektiv vom 16. bis zum früeje 19. Joorhundert behandle.
Zu de Leerchreft ghöre u. a. dr Kauntertenor Andreas Scholl, dr Dirigänt Andrea Marcon und d Tschembaliste Jörg-Andreas Bötticher und Jesper Bøje Christensen.
Vo 2013 bis 2015 isch dr Pedro Memelsdorff dr Läiter vo dr Schola Cantorum Basiliensis gsi.
Gschicht
ändereD Schuel isch 1933 vom Paul Sacher (1906–1999) as e brivats „Leer- und Forschigsinstidut“ für Alti Muusig gründet worde. Dr Tschellist und Gambist August Wenzinger (1905–1996) und d Giigere und Muusigpedagogin Ina Lohr (1903–1983) häi vo Aafang aa e groosse Iifluss ghaa uf s Instidut und daas het die Alti-Muusig-Beweegig brägt. 1954 isch d Schola Cantorum Basiliensis in d Muusigakademii vo dr Stasdt Baasel integriert worde. 1999 isch s Instidut zur Hoochschuel für Alti Muusig worde. Für d Absolvänte vo dr Schola Cantorum Basiliensis isch 1999 s Barockorchester La Cetra gründet worde.
Im Joor 2008 het d Schola Cantorum Basiliensis iir 75-jöörigs Gründigsjubileum gfiirt. Zu däm Aalass isch dr Bildband Wunderkammer Alte Musik – Die Schola Cantorum Basiliensis mit Fotene vom A.T. Schäfer entstande.[1]
Litratuur
ändere- Wunderkammer Alte Musik – Die Schola Cantorum Basiliensis. Edition Braus: Heidelberg 2008, ISBN 978-3-89466-278-3
Weblingg
ändereFuessnoote
ändere
|
Dä Artikel basiert uff ere fräie Übersetzig vu dere Version vum Artikel „Schola_Cantorum_Basiliensis“ vu de dütsche Wikipedia. E Liste vu de Autore un Versione isch do z finde. |
Koordinate: 47° 33′ 19″ N, 7° 35′ 9,6″ O; CH1903: 611094 / 267184