S Wasgeringschuelhuus
D Wasgeringschuel isch e Brimar- und Orientierigsschuel für öbbe 1100 Schüeler an dr Wälschmattstrooss 30 im Iiselykwardier z Baasel.[1] D Brimarschuel bestoot us säggs Bawilion, wo in jeedem drei oder vier Klassezimmer si.
| Schuelhuus Wasgering | |
|---|---|
 | |
| Schueltyp | Brimarschuel Orientierigsstuefe |
| Gründigsjohr | 1955 |
| Adräss |
Welschmattstrasse 30 |
| Schüelerzahl | öbbe 1100 |
| Website | D Website vo dr Schuel |
| Dialäkt: Baseldütsch |
S Schuelhuus stoot uf dr Liste vo de Kulturgüeter z Baasel, wo nazionali Bedütig häi.
D Geböid
ändereS Schuelhuus isch vo de Archidekte Bruno und Fritz Haller in zwäi Etappe baut worde, die ersti vo 1951 bis 1955 und die zwäiti vo 1958 bis 1962. D Brimarschuel isch im Bawilion-Süsteem konzipiert und d Sekundarschuel im Baukastesüstem.
D Bawilion vo dr Brimarschuel häi zwäi Stöck und zwüschene het s offeni Verbindigswääg.[2] Eso isch s Bauwolume ufglööst worde, wie s in dr Archidektuur vo de 1950er populär gsi isch. Im Hoof stoot sit 1953 e Brunne vom Bénédict Remund, wo uf em Brunnerand von em zwäi Sfinx us Bronse stöön.[3]
D Sekundarschuel vo 1960 an dr Blotzheimerstrooss 82 grad näbe dr Brimarschuel isch uf eme chliinere Ruum konzentriert. Si bestoot us zwäi fümfstöckige Klassedrakt, wo im Barder offe si, und äistöckige Handarbetsbaute. D Durnhalle isch abgsänkt. D Lengssiite si voll Fänster, wo vil Liecht iinelöön, d Stirnsite si zue.[2]
2004/2005 het mä d Fassade vo dr Sekundarschuel saniert, under anderem zum im Summer d Tämpratur in de Klassezimmer niidrig z halte.[2][4]
Fuessnoote
ändere- ↑ Alfred Roth: New school building, Thames & Hudson, 1966, S. 19, S. 151ff.
- ↑ 2,0 2,1 2,2 Schulhaus Wasgenring 1 und 2 uf citymobile.ch, abgrüeft am 3. Juni 2014
- ↑ Wasgenringschul-Brunnen "Les Sphinx" uf brunnenführer.ch, abgrüeft am 3. Juni 2014
- ↑ S Wasgering-Schuelhuus Archivlink (Memento vom 5. April 2016 im Internet Archive) uf photo-basel.ch, abgrüeft am 3. Juni 2014
