I schlimme Zyte isch es guet, me cha uf d Schutzmantelmadonna vertroue. Me seit eren au Gnaademadonna.

d Maria vo Sogn Gieri bi Rhäzüns, gmoolet vom Waltesburger Meischter im 14. Joorhundert

Das isch en Erschynig vo der Muettergottes, wo de Lüüt i der Noot chunt cho hälfe. Si isch grooss und het en wyte Mantel, wo si usbräitet, und alli Mönsche finde drunder e sichere Platz.

Me könnt das Motiv sit em drizääte Joorhundert. I vilne Chile git’s es Bild vo dere hälfende Muetter. Es Gmäld us em Mittelalter isch i dr Chile vom Sogn Gieri bi Rhäzüns im Bünderland. Au z Memminge isch so eis bin ere Chile a d Wand gmoolet. Es anders Bild vo dere Figuur isch am Locherer-Altar im Fryburger Münschter.

Weblink ändere

  Commons: Schutzmantelmadonna – Album mit Multimediadateie