Schweiz aktuell (vu 1981 bis ca. 1993 DRS aktuell) isch e Nochrichtesändig vum Schwyzer Färnseh. Si wird vum Mentig bis am Frytig am sibeni zoobe uf SRF 1 uusgstrahlt. D Sändig bstoht in dr Hauptsach us Reportaschen zue Theme us allne Regionen in dr Schwyz un wird uf Schwyzerdytsch moderiert. Di friejere Sändigen uf däm Sändeblatz sin Antenne, Bericht vor acht (1975–1977) un Blickpunkt (1977–1981) gsii.

dr Moderator Michael Weinmann bi re Liveschaltig

In dr Sundersändige Schweiz aktuell extra wird zue bsundersch wichtige Theme brichtet, zum Byschpel no Wahlen oder Abstimmige. Doderzue wären au Interviewpartner ýyglade. Dernäbe wären als ufwändigi Spezialsändige, sognännti «Schwerpunktwochen» (2013 zum Byschpelk zue dr Jurafrog) un Reality-Sändige wie Das Internat – Schule wie vor 50 Jahren oder Pfahlbauer von Pfyn produziert.

Fascht alli Bydreg syt em 3. Jänner 2000 sin im Sändigsarchiv verfiegbar.

Aktuäll (Jänner 2017) wird d Sändig im Wächsel vu dr Sabine Dahinden Carrel, em Michael Weinmann, em Otmar Seiler un dr Katharina Locher moderiert.[1] Redaktionslaiter isch syt em April 2016 dr Basil Honegger.[2]

Weblink ändere

Fueßnote ändere

  1. Moderatoren uf dr Websyte vu Schweiz aktuell.
  2. Basil Honegger wird neuer Redaktionsleiter von «Schweiz aktuell». In: srf.ch vum 10. Merz 2016.
  Dä Artikel basiert uff ere fräie Übersetzig vu dere Version vum Artikel „Schweiz_aktuell“ vu de dütsche Wikipedia. E Liste vu de Autore un Versione isch do z finde.