Sergio Mattarella

Dr Sergio Mattarella (* 23. Juli 1941 z Palermo, Sizile) isch en italiänische Jurist und Politiker vom Partito Democratico.

Foti vom Sergio Mattarella

Er isch am 31. Januar 2015 zum zwölfte Presidänt vu Italie gwählt worde und hät am 3. Februar 2015 de Amtsaid abglait. Vorhär isch er vo 1983 bis 2008 Mitglid vo de italienische Abgordnetechammer und e paarmol Minister gsii. Vo 2011 bis 2015 isch de Mattarella italiänische Verfassigsrichter gsi.

d Wahl zum Staatspräsident

De Matteo Renzi, Regierigschef und Chef vom Partito Democratico, hät de Sergio Mattarella als Nochfolger vom Giorgio Napolitano vorgschlage, wo Mitte Januar zruggträten isch. D Wahl vom Mattarella isch in ere gmainsame Sitzig vo de Abgordnetechammer und em Senat im vierte Wahlgang mit 665 vo 1009 Stimme zstand cho. Es hät mehreri Wahlgäng bruucht, wil am Aafang en Huufe Aahänger vom Silvio Berlusconi sinnere Partei Forza Italia lääri Stimmzädel abgee händ.

Weblink

 Commons: Sergio Mattarella – Sammlig vo Multimediadateie