Dr Sevogelblatz
Koordinate: 47° 33′ 2,2″ N, 7° 36′ 14,8″ O; CH1903: 612457 / 266667
| Sevogelblatz | |
|---|---|
 | |
| |
| Dr Dreidroog-Brunne am Sevogelblatz | |
| Basisdaate | |
| Ort | Basel |
| Stroosse, wo in Blatz iinechömme | Hardstrooss Sevogelstrooss |
| Bauwärk | Dreidroogbrunne Miethuuser am Sevogelblatz 1 und 2 Pfäffigerhoof |
| Nutzig | |
| Nutzergrubbe | Verkeer |
| Dialäkt: Baseldütsch |
Dr Sevogelblatz isch e Blatz in dr Dalbe im Südoste vo dr Stadt Baasel. D Dramlinie 14, wo dur d Hardstrooss goot und Muttez und Brattele mit dr Stadt verbindet, het e Haltstell am Blatz.[1]
Uf em Blatz chrütze sich d Hardstrooss und d Sevogelstrooss. Um e Blatz ume stöön verschidnigi Bauwärk us de spoote Joor vom 19. Joorhundert und em Aafang vom zwanzigste, wo zu de Baasler Kulturgüeter ghööre: dr Dreidroogbrunne im Norde, d Miethuuser am Sevogelblatz 1 und 2 vom Eduard Vischer-Sarasy im Süüde, mit dr Verlengerig vom Flüügel an dr Sevogelstrooss 49, und d Geböid im Oste, dr Pfäffigerhoof[2] an dr Sevogelstrooss 21, und im Weste die dänggmolgschützti Willa an dr Hardstrooss 36.
Dr Name vom Blatz chunnt vo dr alte Baasler Rootsfamilie Sevogel, wo dr Henman Sevogel 1444 as Hauptmä in dr Schlacht bi St. Jakob an dr Birs gfalle isch. D Familie isch e Generazioon spööter usgstorbe.