Silverius

Dr Silverius (* wahrschyns z Frosinone; † 2. Dezämber 537 uf Ponza), isch vu Juni 536 bis zue sym Ruggdritt am 11. Novämber 537 Papscht un Bischof vu Rom gsii.

dr Silverius (Darstellig us em 17. Johrhundert)

Lääbe un Wirke

Är isch e Suhn vum Papscht Hormisdas gsii un isch wahrschyns wie sy Vater z Frosinone z Latium oder eme Nochbertort uf d Wält chuu.

Sy Pontifikat isch churz un vu Aafang aa schwirig gsii. Bim remische Klerus isch dr Subdiakon uf großi Vorbhalt gstoße. Noch e Dod vum Agapitus I. het d Theodora, d Frau vum oschtremische Chaiser Justinian I., lieber dr Vigilius as Papscht ghaa, wu dodmol z Konstantinopel glät het. Si het vu däm erwartet, ass dää dr Monophysitismus akzeptiert. Dr Theodahad, dr Chenig vu dr Oschtgote, het dergege uf gar kai Fall en Papscht welle, wu mit Konstantinopel verbindet gsii isch, un het dr Silverius duregsetzt, voreb dr Vigilius uf Rom chuu isch.

No im nämlige Johr isch Rom vum oschtremische General Belisar bsetzt un dr Silverius 537 wäge Hochverrot uf Patara in dr hitige Dirgei verbannt wore. An sy Stell isch dr Vigilius drätte. Dr Chaiser Justinian het em Silverius bal scho d Ruggchehr uf Italie erlaubt, dr Vigilius het en aber uf di chlai Insle Ponza im Golf vu Gaeta oder no andere Quälle uf d Nochberinsle Palmarola verbannt, wun er am 2. Dezämber 537 gstorben isch. Dää Dag isch sy Mahndag.

Literatur

• Wilhelm Kohl: Silverius. In: Biographisch-Bibliographisches Kirchenlexikon (BBKL). Band 10, Herzberg 1995, ISBN 3-88309-062-X, Sp. 336–338.
• Claire Sotinel: Silverio. In: Enciclopedia dei Papi. Treccani.it. L'Enciclopedia Italiana., 2000, archiviert vom Original am 6. Mai 2013; abgruefen am 6. März 2018 (italiänisch). 
• Ytrag in d Catholic Encyclopedia, Robert Appleton Company, New York 1913 (änglisch)
• Massimiliano Vitiello: Theodahad. A Platonic King at the Collapse of Ostrogothic Italy, Toronto/Buffalo/London 2014 ISBN 978-1-4426-4783-1 S. 37, 109, 131, 137, 139, 143 f., 176, 190

Weblink

 Commons: Silverius – Sammlig vo Multimediadateie

• Silverius im Ökumenische Heiligenlexikon

Fueßnote

Vorgänger	Amt	Nachfolger
Agapitus I.	Papscht 536–537	Vigilius

Dä Artikel basiert uff ere fräie Übersetzig vu dere Version vum Artikel „Silverius“ vu de dütsche Wikipedia. E Liste vu de Autore un Versione isch do z finde.