Dr Hormisdas (au: Hormisda; * z Frosinone, Campagna Romana, Latium; † 6. Augschte 523 z Rom) isch vum 20. Juli 514 bis zue sym Dod Papscht gsii.

Hormidas, Stich us em 17. Jh.

Lääbe un Wirke ändere

Dr hailig Hormisdas isch Witmann gsii un Archidiakon vu sym Vorgänger Symmachus, wu sälle zum remische Bischof gwehlt woren isch. Sy Suhn isch as Silverius speter au Bischof vu Rom wore.

Aini vu dr erschte Sorge vum Bischof isch s gsii, di letschte Spure vum Laurentianische Schisma us Rom uusezbutze un di ibrig blibene Abdrinnige in d Chilche retuurzhole. Dr grescht Dail vu sym Pontifikat het er si mit dr Hailig vum Schisma (Akakianisches Schisma) bscheftigt, wu syt 484 zwische Oscht- un Weschtchilche bstanden isch un uf dr Exkommunikation vum Acacius vu Konstantinopel grinde het, wu nem Gmainschaft mit Monophysite vorgworfe woren isch. Anne 519 isch mit Hilf vun eme Glaubesbekänntniss, dr Formel vum Hormisdas (formula Hormisdae), em Schisma en Änd gmacht un d Chilche vu Rom un Konstantinopel wider verainigt wore. Dr Hormisdas het des Schrybe 515 an Patriarch Timotheos I. gschickt ghaa, un 519 het s däm sy Noofolger Johannes II. Kappadokes akzeptiert retuurgschickt.

S isch au ne Briefwächsel zwisch em Hormisdas un em Patriarch Epiphanios vu Konstantinopel erhalte, em Noofolger vum Johannes Kappadokes, wu s um s definitv Änd vum Schisma goht.

Dr Hormisdas isch dr Schutzhailig vu dr Staal- un Rytchnäächt un vu dr Stadt Frosinone. Dr kadolisch Mahndag isch dr 6. Augschte, sy Dodesdag.

Literatur ändere

  • Walter Haacke: Die Glaubensformel des Papstes Hormisdas im Arcadischen Schisma (Analecta Gregoriana; Bd. 10). Rom 1939 (zugl. Dissertation, Universität Rom 1939).
  • Jan-Markus Kötter: Zwischen Kaisern und Aposteln. Das Akakianische Schisma (484-519) als kirchlicher Ordnungskonflikt der Spätantike (Roma Aeterna; Bd. 2). Franz Steiner Verlag, Stuttgart 2013, ISBN 978-3-515-10389-3 (zugl. Dissertationsschrift, Universität Frankfurt/Main 2011).
  • Stefan Schima: Papsttum und Nachfolgebeeinflußung. Von den Anfängen bis zur Papstwahlordnung 1179 (Kirche und Recht; Bd. 26). Verlag Plöchl, Freistadt 2011, ISBN 978-3-901479-72-4, S. 141–143 (zugl. Habilitationsschrift, Universität Wien 2004).
  • Friedrich Wilhelm Bautz: Hormisdas. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 1057–1058.
  • Ytrag in d Catholic Encyclopedia, Robert Appleton Company, New York 1913 (änglisch)

Weblink ändere

  Commons: Papst Hormisdas – Sammlig vo Multimediadateie


VorgängerAmtNachfolger
SymmachusPapscht
514–523
Johannes I.
  Dä Artikel basiert uff ere fräie Übersetzig vu dere Version vum Artikel „Hormisdas_(Papst)“ vu de dütsche Wikipedia. E Liste vu de Autore un Versione isch do z finde.