Die Sizilianischi Vesper
As Sizilianischi Vesper bezäichnet mä dr Ufstand, wo am 30. Merz 1282 (am Oostermäändig zur Zit vo dr Vesper, d. h. vom Oobegebät) zerst z Palermo uf Sizilie usbroche isch. Er isch gege die franzöösischi Herrschaft under em Karl I. grichdet gsi. Dr Ufstand isch vo de Byzantiner understützt worde, wo dr Komflikt zwüsche de Ghibelline und Guelfe usgnützt häi, zum dr Chrüzzuug gege sä, wo dr Karl blant het, z veritle. Dr Ufstand het sich schnäll über die ganzi Insle usbräitet und Duusigi vo Franzoose si vo dr Bevölkerig umbrocht worde.
Dr Köönig Peter III. vo Aragón, wo d Verschwöörig gege d Franzoose uf dr Insle vorberäitet het, isch z Trapani glandet, uf Palermo zooge und het sich zum Köönig vo Sizilie lo broklamiere. Dr Babst Martin IV. het dr Peter druf exkommuniziert, aber zum Chrüzzuug gege Aragon, wo dr Karl het welle, isch s nid cho. Er het nämlig si Flotte verloore und isch vo denn a beschäfdigt gsi, siini Bsitz uf em italiänische Festland um si nöiji Hauptstadt Neapel ume z verdäidige.
Litratuur
ändere- Otto Cartellieri: Peter von Aragón und die sizilianische Vesper. Heidelberg 1904.
- Steven Runciman: Die sizilianische Vesper. Eine Geschichte der Mittelmeerwelt im Ausgang des 13. Jahrhunderts. München 1959 (engl. 1958, mehrere Nachdrucke).
- Steven Runciman: The Sicilian Vespers: A History of the Mediterranean World in the Later Thirteenth Century Cambridge University Press 1958, ISBN 0-521-43774-1 (englische Ausgabe mit Onlinetexten)
- Isabel Skokan: Die Sizilianische Vesper (Site cha nüme abgrüeft wärde; Suche im Webarchiv) in Germania und Italia. Nationale Mythen und Heldengestalten in Gemälden des 19. Jahrhunderts. Lukas Verlag 2009, S. 142, ISBN 978-3-86732-036-8 (zugleich Universitätsdissertation Freiburg 2007)
Weblingg
ändere
Commons: Sizilianische Vesper – Sammlig vo Multimediadateie