Sklerodermie

Bi dr Sklerodermii handlet es sich um e Gruppe vo verschiidnige sältene Chrankheite, wo sich bin ene s Bindegwäb vo dr Huut verhertet. Mänggisch chunnt au d Bindegwäbverhertig vo innere Organ (bsunders em Verdauigsdrakt, de Lunge, em Härz und de Niere) drzue. S Wort Sklerodermii (änglisch: scleroderma) bedütet wörtlig «harti Huut».

Die zirkumskripti Sklerodermii ändere

D Form vo dr Chrankhet, wo sich uf d Huut und s Gwäbe grad undere (Underhuutfettgwäb, glägentlig au Muskulatur und Chnoche) beschränkt, wird au zirkumskripti Sklerodermii oder Morphea gnennt. D Sklerodermii ghört zu de sogenannte Kollagenose, ere Gruppe vo autoimmune Bindegwäbchrankheite.

Die systemischi Sklerose ändere

Dr Sklerodermii, wo au die innere Organ befallt, sait mä au systemischi Sklerose (ängl.: systemic sclerosis). Mä underscheidet drbii begränzti (limited) und diffusi Verlaufsforme. S so genannte CREST-Syndrom (Calcinosis, Raynaud phenomena, Esophageal hypomotility, Sclerodactyly, Teleangiectasia) isch en Underform vo dr limitierte systemische Sklerose und kennzeichnet e hüfigs Erchrankigsmuster. S Bindgwäb vo de Lunge, de Niere, dr Spiiseröhre und vom Härz gältet as bsunders gfährdet. Die hüfigsti Dodesursach bi dr systemische Sklerose hützudags chunnt vom Befall vo de Lunge.

Diagnose und Heiligschance ändere

D Sklerodermii isch nit heilbar, dr Chrankhetsverlauf cha aber mit Medikamänt und spezialisierter Rehabilitation verlangsamt oder gstoppt wärde. Dr früehneri Name Progressivi systemischi Sklerodermii isch dorum zugunste vom hütige Name Systemischi Sklerose gänderet worde. D Diagnose und Therapii vo de Sklerodermie verlange e bsunderi ärztligi Erfahrig mit dene Chrankheite. Z Dütschland fürderet s Bundesministerium für Bildig und Forschig (BMBF) e Forschigs-Netzwärk zur systemische Sklerose, wo im Rahme vo siiner Patienteinformation e Liste vo Klinike und Zentre ufstellt, wo gnueg Erfahrig mit dere Chrankhet hai.

Weblingg ändere

Bitte tue de Hiwiis zu Gsundheitsthemene biachte!